PKL 2022: புனேரி பல்தான், பாட்னா பைரட்ஸ் அணிகள் வெற்றி.

புரோ கபடி லிக் தொடரில் நேற்று நடைபெற்ற லீக் ஆட்டத்தில் புனேரி பல்தான் மற்றும் பாட்னா பைரட்ஸ் அணிகள் வெற்றிபெற்றன.

PKL 9: Patna Pirates shock table-toppers Dabang Delhi to pick up first win of season (Image Source: Google)

புரோ கபடி லீக் தொடரின்  9வது சீசன் விறுவிறுப்பாக நடந்துவருகிறது. முதல் 41 போட்டிகள் பெங்களூருவிலும் அதற்கடுத்த போட்டிகள் புனே மற்றும் ஹைதராபாத்தில் நடக்கின்றன.

பெங்களூரு காண்டிவீரா மைதானத்தில் நேற்று நடந்த முதல் போட்டியில் புள்ளிப்பட்டியலின் முதலிடத்தில் இருக்கும் தபாங் டெல்லி - பாட்னா பைரட்ஸ் அணிகல் பலப்பரீட்சை நடத்தின. இரு அணிகளுமே அபாரமாக விளையாடிய இந்த போட்டி மிகவும் பரபரப்பாக இருந்தது. 

பரபரப்பான இந்த போட்டியில் கடைசியில் 37-33 என பாட்னா பைரட்ஸ் அணி தபாங் டெல்லியை வீழ்த்தி அதிர்ச்சியளித்தது. அதிலும் பாட்னா அணிக்காக சிறப்பான ஆட்டத்தை வெளிப்படுத்திய ரோஹித் குலியா 13 புள்ளிகளைப் பெற்று அணியின் வெற்றிக்கு உறுதுணையாக இருந்தார்.

அதற்கடுத்து, புனேரி பல்தான் மற்றும் பெங்கால் வாரியர்ஸ் இடையே நடந்த போட்டியும் விறுவிறுப்பாக இருந்தது. இரு அணிகளும் வெற்றிக்காக கடுமையாக போராடிய நிலையில் கடைசியில் 27-25 என்ற புள்ளி கணக்கில் புனேரி பல்தான் அணி வெற்றி பெற்றது.

இந்த சீசனில் இதுவரை விளையாடிய 6 போட்டிகளில் ஐந்து வெற்றி, ஒரு தோல்வியைப் பெற்ற தபாங் டெல்லி அணி புள்ளி பட்டியலில் முதலிடத்திலும், ஜெய்ப்பூர் பிங்க் பாந்தர்ஸ் அணி 2ஆம் இடத்திலும் உள்ளன. புனேரி பல்தான் மற்றும் பெங்கால் வாரியர்ஸ் முறையே 3 மற்றும் 4ஆம் இடங்களில் உள்ளன.