PKL 2022: யுபி யோத்தாஸை வீழ்த்தியது பாட்னா பைரட்ஸ்!

புரோ கபடி லீக் தொடரில் நேற்று நடைபெற்ற போட்டியில் பாட்னா பைரட்ஸ் அணி 34-29 என்ற புள்ளிகணக்கில் யுபி யோதாஸை வீழ்த்தி அசத்தியது.

PKL 9: Puneri Paltan, Haryana Steelers play out thrilling 27-27 tie (Image Source: Google)

12 அணிகளுக்கு இடையிலான 9ஆவது புரோ கபடி போட்டி பெங்களூருவில் கடந்த 7ஆம் தேதி தொடங்கியது. இந்த தொடரில் புனேவில் நேற்று நடைபெற்ற முதல் போட்டியில் தமிழ் தலைவாஸ் - ஜெய்ப்பூர் பிங்க் பேந்தர்ஸ் அணிகள் மோதின. 

இதில் தமிழ் தலைவாஸ் 38-27 என்ற கணக்கில் ஜெய்ப்பூரை துவம்சம் செய்து தொடர் தோல்விகளுக்கு பிறகு இரண்டாவது வெற்றியை பதிவு செய்தது.

இதையடுத்து இரவு 8.30 மணிக்கு தொடங்கிய போட்டியில் ஹரியான ஸ்டீலர்ஸ்-புனேரி பால்தன்ஸ் அணிகள் பலப்பரீட்சை நடத்தின. இப்போட்டியில் சிறப்பான ஆட்டத்தை வெளிப்படுத்திய இரு அணிகளும் ஆட்ட நேர முடிவில் 27-27 என்ற புள்ளி கணக்கில் டிராவில் முடிந்தது. 

அதைத்தொடர்ந்து 9.30 மணிக்கு தொடங்கிய ஆட்டத்தில் பாட்னா பைரட்ஸ்- யுபி யோத்தா அணிகள் மோதின. இந்த ஆட்டத்தில் பாட்னா அணி 34-29 என்ற புள்ளி கணக்கில் யுபி யோத்தா அணியை வீழ்த்தி வெற்றி பெற்றது. 

அந்த அணியின் தரப்பில் சிறப்பாக ரெய்டு சென்ற சச்சின் 11 புள்ளிகளையும், ரோஹித் 7 புள்ளிகளையும் குவித்து அணியின் வெற்றிக்கு உதவினர்.