PKL 2022: பெங்கால் வாரியர்ஸை மீண்டும் வீழ்த்தியது புனேரி பல்தான்!
பெங்கால் வாரியர்ஸுக்கு எதிரான புரோ கபடி லீக் ஆட்டத்தில் புனேரி பல்தான் அணி 43-26 என்ற புள்ளிக்கணக்கில் அபார வெற்றியைப் பெற்றது.
12 அணிகளுக்கு இடையிலான 9ஆவது புரோ கபடி போட்டி பெங்களூருவில் கடந்த மாதம் 7ஆம் தேதி தொடங்கியது. இந்த தொடர் தற்போது புனேவில் நடைபெற்று வருகிறது. இதில் லீக் சுற்றுகள் முடிவில் முதல் 6 இடங்களை பிடிக்கும் அணிகள் 'பிளே ஆப்' சுற்றுக்கு தகுதி பெறுகிறது.
இந்த நிலையில் இந்த தொடரில் இன்று நடைபெற்ற முதல் போட்டியில் பெங்கால் வாரியர்ஸ்-புனேரி பால்தான் அணிகள் மோதின. இந்த போட்டியின் தொடக்கம் முதலே புனேரி பல்தான் அணி அபார ஆட்டத்தை வெளிப்படுத்தி புள்ளிகளைப் பெற்றது.
இதன்மூலம் போட்டி முடிவில் புனேரி பல்தான் அணி 43-26 என்ற புள்ளி கணக்கில் பெங்கால் வாரியர்ஸ் அணியை வீழ்த்தி அபார வெற்றி பெற்றது. இந்த சீசனில் பெங்கால் வாரியர்ஸ் அணிக்கு எதிரான இரண்டு லீக் போட்டியிலும் புனேரி பால்டன் அணி வெற்றி பெற்றது.
இப்போட்டியில் புனேரி பல்தான் அணி தரப்பில் அபார ஆட்டத்தை வெளிப்படுத்திய ஆகாஷ் ஷிண்டே 10 புள்ளிகளையும், அஸ்லாம் இனம்தார் 9 புள்ளிகளையும், மோஹித் கொயத் 8 புள்ளிகளையும் கைப்பற்றி அணியின் வெற்றிக்கு உதவினார்.
Win Big, Make Your Cricket Tales Now
