PKL 2022: தொடர் வெற்றிகளை குவிக்கும் தமிழ் தலைவாஸ்; புள்ளிப்பட்டியளில் முன்னேற்றம்!

புரோ கபடி லீக் தொடரின் 9ஆவது சீசனில் முதலிடத்தில் இருக்கும் புனேரி பல்தானை 35-34 என வீழ்த்தி புள்ளி பட்டியலில் 3ஆம் இடத்திற்கு முன்னேறியுள்ளது.

புரோ கபடி லீக் தொடரின் 9ஆவது சீசன் விறுவிறுப்பாக நடந்துவருகிறது. இந்த சீசனின் தொடக்கத்தில் தொடர் தோல்விகளை தழுவிவந்த தமிழ் தலைவாஸ் அணி, தொடரின் பிற்பாதியில் வலுவான அணிகளை எல்லாம் தொடர்ச்சியாக வீழ்த்தி வெற்றிகளை பெற்றுவருகிறது.

தபாங் டெல்லி, ஜெய்ப்பூர் பிங்க் பாந்தர்ஸ் அணிகளை வீழ்த்திய தமிழ் தலைவாஸ் அணி, நேற்றைய போட்டியில் தெலுங்கு டைட்டன்ஸை வீழ்த்தியது. இந்த சீசனில் அபாரமாக விளையாடி புள்ளி பட்டியலில் முதலிடத்தில் உள்ள புனேரி பல்தானை இன்று எதிர்கொண்டது தமிழ் தலைவாஸ் அணி.

தமிழ் தலைவாஸ் - புனேரி பல்தான் இடையேயான போட்டி மிகக்கடும் போட்டியாக இருந்தது. இரு அணிகளும் அபாரமாக விளையாடின. இரு அணிகளும் சமமாக புள்ளிகளை பெற்றுவர, வெற்றிக்காக கடுமையாக போராடின. 

இறுதியில் 35-34 என ஒரு புள்ளி வித்தியாசத்தில் தமிழ் தலைவாஸ் அணி வெற்றி பெற்றது. தொடர்ச்சியாக வெற்றிகளை பெற்றதன் விளைவாக, தமிழ் தலைவாஸ் அணி புள்ளி பட்டியலில் 3ஆம் இடத்திற்கு முன்னேறியது. 

நேற்று நடந்த மற்றொரு போட்டியில் பெங்களூரு புல்ஸும் குஜராத் ஜெயிண்ட்ஸும் மோதின. இந்த போட்டியும் கடுமையான போட்டியாக இருந்தது. கடைசியில் 46-44 என்ற புள்ளிக்கணக்கில் குஜராத் ஜெயிண்ட்ஸ் அணி வெற்றி பெற்றது.

இன்றைய போட்டியில் தோல்விகளை தழுவியிருந்தாலும், புனேரி பல்தான் மற்றும் பெங்களூரு புல்ஸ் அணிகள் முதலிரண்டு இடங்களில் உள்ளன. தமிழ் தலைவாஸ் அணி 3ஆம் இடத்திலும், ஜெய்ப்பூர் பிங்க் பாந்தர்ஸ் அணி 4ஆம் இடத்திலும் உள்ளன.

Win Big, Make Your Cricket Tales Now