PKL 2022: யு மும்பாவை வீழ்த்தியது தெலுங்கு டைட்டன்ஸ்!

யு மும்பா அணிக்கெதிரான லீக் ஆட்டத்தில் தெலுங்கு டைட்டன்ஸ் அணி 32 - 26 என்ற புள்ளிகணக்கில் வெற்றிபெற்று அசத்தியது.

PKL 9: Telugu Titans defeat U Mumba, end 12-match losing streak (Image Source: Google)

12 அணிகளுக்கு இடையிலான 9ஆவது புரோ கபடி போட்டி பெங்களூருவில் கடந்த மாதம் 7ஆம் தேதி தொடங்கியது. இரண்டாவது கட்டமாக இந்த போட்டிகள் புனேவில் நடைபெற்று வந்த நிலையில் அடுத்த கட்டமாக இந்த தொடர் தற்போது ஐதராபாத்தில் நடைபெற்று வருகிறது.

இந்த நிலையில் ஐதராபாத்தில் இன்று நடைபெற்ற முதல் போட்டியில் யுபி யோதாஸ் - ஜெய்பூர் பிங்க் பாந்தர்ஸ் அணிகள் மோதின. இந்த போட்டியில் ஜெய்பூர் பிங்க் பாந்தர்ஸ் அணி 42-29 என்ற புள்ளி கணக்கில் யு.பி.யோத்தா அணியை வீழ்த்தி வெற்றி பெற்றது.

இதைத்தொடர்ந்து நடைபெற்ற 2ஆவது போட்டியில் தெலுங்கு டைட்டன்ஸ் - யு மும்பா அணிகள் மோதின. பரபரப்பாக நடைபெற்ற இப்போட்டியில் தொடக்கம் முதலே இரு அணிகளும் அதிரடியாக விளையாடி புள்ளிகளைப் பெற்றனர்.

இறுதியில் சிறப்பான ஆட்டத்தை வெளிப்படுத்திய தெலுங்கு டைட்டன்ஸ் அணி 32-26 என்ற புள்ளி கணக்கில் மும்பை அணியை வீழ்த்தி வெற்றி பெற்றது. தெலுங்கு அணி தரப்பில் சித்தார்த் தேசாய் 9 புள்ளிகளைப் பெற்றார்.

இந்த போட்டியில் தெலுங்கு டைட்டன்ஸ் அணி வெற்றிபெற்றாலும், இந்த தொடரில் 14 புள்ளிகளை மட்டுமே எடுத்து கடைசி இடத்தில் உள்ளது. அதேசமயம் யு மும்பா 44 புள்ளிகளைப் பெற்று 5ஆம் இடத்தில் நீடித்து வருகிறது.