PKL 2022: டிராவில் முடிந்த பெங்கால் - டெல்லி ஆட்டம்!
பெங்கால் வாரியர்ஸ்-தபாங் டெல்லி அணிகளுக்கு இடையிலான போட்டி 46-46 என்ற புள்ளிக்கணக்கில் டிராவில் முடிந்தது.
12 அணிகளுக்கு இடையிலான 9ஆவது புரோ கபடி போட்டி பெங்களூருவில் கடந்த அக்டோபர் மாதம் 7ஆம் தேதி தொடங்கியது. இந்த போட்டிகள் தற்போது ஐதராபாத்தில் நடைபெற்று வருகிறது.
இந்த நிலையில் இன்று நடைபெற்ற போட்டியில் பெங்கால் வாரியர்ஸ்-தபாங் டெல்லி அணிகள் மோதின. விறுவிறுப்பாக நடைபெற்ற இந்த போட்டியில் இரு அணிகளும் தலா 46 புள்ளிகள் எடுத்தன. இதையடுத்து பெங்கால் வாரியர்ஸ்-தபாங் டெல்லி அணிகளுக்கு இடையிலான போட்டி 46-46 என்ற புள்ளி கணக்கில் டிராவில் முடிந்தது.
இதில் தபாங் டெல்லி அணி தரப்பில் நவீன் குமார் 16 புள்ளிகளையும், பெங்கால் வாரியர்ஸ் தரப்பில் மனிந்தர் சிங் 18 புள்ளிகளையும் கைப்பற்றி அசத்தினர்.
இதன்மூலம் தபாங் டெல்லி அணி 63 புள்ளிகளுடன் புள்ளிப்பட்டியளின் 6ஆவது இடத்தையும், பெங்கால் வாரியர்ஸ் அணி 53 புள்ளிகளுடன் 9ஆவது இடத்தியும் தக்கவைத்துள்ளது குறிப்பிடத்தக்கது.
Win Big, Make Your Cricket Tales Now
