PKL 2022: பெங்களூரு புல்ஸிடம் வீழ்ந்தது தமிழ் தலைவாஸ்!
புரோ கபடி லீக் தொடரின் 9ஆவது சீசனில் நேற்று நடைபெற்ற போட்டியில் பெங்களூரு புல்ஸிடம் 45-28 என்ற புள்ளிக்கணக்கில் தமிழ் தலைவாஸ் அணி படுதோல்வி அடைந்தது.
புரோ கபடி லீக் தொடரின் ஆவது சீசன் விறுவிறுப்பாக நடந்துவருகிறது. முதல் 41 போட்டிகள் பெங்களூருவிலும், அடுத்த போட்டிகள் புனே மற்றும் ஹைதராபாத்திலும் நடக்கின்றன.
இந்த சீசனில் தபாங் டெல்லி, ஜெய்ப்பூர் பிங்க் பாந்தர்ஸ் அணிகள் அபாரமாக விளையாடி வெற்றிகளை குவித்து புள்ளி பட்டியலில் ஆதிக்கம் செலுத்திவரும் நிலையில், தமிழ் தலைவாஸ் அணி தொடர் தோல்விகளை சந்தித்துவருகிறது.
முதல் 4 போட்டிகளில் ஒரேயொரு வெற்றி மட்டுமே பெற்ற தமிழ் தலைவாஸ் அணி, நேற்று பெங்களூரு புல்ஸ் அணியை எதிர்கொண்டது. இந்த போட்டியில் பெங்களூரு புல்ஸ் அணி அபாரமாக விளையாடி தமிழ் தலைவாஸ் அணி மீது ஆதிக்கம் செலுத்தியது.
தொடர்ந்து அபார ஆட்டத்தை வெளிப்படுத்தி புள்ளிகளை குவித்த பெங்களூரு புல்ஸ் அணி 45-28 என்ற புள்ளிக்கணக்கில் தமிழ் தலைவாஸை வீழ்த்தி அபார வெற்றி பெற்றது.
இந்த வெற்றியின் மூலம் பெங்களூரு புல்ஸ் அணி நடப்பு சீசனில் மூன்றாவது வெற்றியைப் பெற்று, 15 புள்ளிகளுடன் 4ஆம் இடத்திற்கு முன்னேறியுள்ளது. அதேசமயம் தமிழ் தலைவாஸ் அணி 10 புள்ளிகளை மட்டுமே எடுத்து புள்ளிப்பட்டியலின் 10ஆவது இடத்தில் உள்ளது.
Win Big, Make Your Cricket Tales Now
