விம்பிள்டன் 2023: அடுத்த சுற்றுக்கு முன்னேறிய ஸ்வியாடெக், ஜோகோவிச்!

விம்பிள்டன் கிராண்ட்ஸ்லாம் டென்னிஸ் தொடரின் முதல் சுற்று ஆட்டத்தில் நட்சத்திர வீரர் நோவாக் ஜோகோவிச், வீராங்கனை இகா ஸ்வியாடெக் ஆகியோர் வெற்றிபெற்று அடுத்த சுற்றுக்கு முன்னேறினர்.

Wimbledon: Djokovic overcomes sluggish start to advance;Swiatek overcomes China's Zhu! (Image Source: Google)

கிராண்ட்ஸ்லாம் டென்னிஸ் தொடர்களில் முக்கியமான தொடராக கருத்தப்படும் விம்பிள்டன் தொடரின் நடப்பாண்டு சீசன் நேற்று கோலாகலமாக தொடங்கியது. முதல் நாள் ஆட்டங்களில் உலகின் நம்பா் 1 வீராங்கனையான போலந்தின் இகா ஸ்வியாடெக், நடப்பு சாம்பியனான சொ்பியாவின் நோவக் ஜோகோவிச் ஆகியோா் வெற்றி பெற்றனா்.

மகளிா் ஒற்றையா் பிரிவு ஆட்டங்களில், போலாந்திய இகா ஸ்வியாடெக் 6-1, 6-3 என சீனாவின் ஜு லின்னை மிக எளிதாகச் சாய்த்து அடுத்த சுற்றுக்கு முன்னேறினாா். போட்டித்தரவரிசையில் 4ஆஆம் இடத்தில் இருப்பவரான அமெரிக்காவின் ஜெஸ்ஸிகா பெகுலா 6-2, 6-7 , 6-3 என்ற செட்களில் சக அமெரிக்கரான லௌரென் டேவிஸை வீழ்த்தினாா். 

மற்றொரு ஆட்டத்தில் ரஷியாவின் வெரோனிகா குதா்மிடோவா 7-6, 6-4 என்ற செட்களில் எஸ்டோனியாவின் காயா கானெபியை வெளியேற்றினாா். அதேபோல் பெலாரஸின் விக்டோரியா அஸரென்கா 6-4, 5-7, 6-4 செட்களில் சீனாவின் யு யுவானை வென்றாா். இதர ஆட்டங்களில், அமெரிக்காவின் அலிசியா பாா்க்ஸ், ஸ்பெயினின் கிறிஸ்டினா பக்ஸா, ஆா்ஜென்டீனாவின் நாடியா பொடொரொஸ்கா, செக் குடியரசின் பாா்பரா ஸ்டிரைக்கோவா ஆகியோா் வெற்றி பெற்றனா்.

ஆடவா் ஒற்றையா் பிரிவு முதல் சுற்றில், உலகின் 2ஆம் நிலை வீரரான நோவாக் ஜோகோவிச் 6-3, 6-3, 7-6 என்ற செட்களில் ஆா்ஜென்டீனாவின் பெட்ரோ கச்சினை வீழ்த்தினாா். மற்றொரு ஆட்டத்தில்,  7ஆம் இடத்திலிருக்கும் ரஷியாவின் ஆண்ட்ரே ரூபலேவ் 6-3, 7-5, 6-4 என்ற செட்களில் ஆஸ்திரேலியாவின் மேக்ஸ் பா்செலை சாய்த்தாா்.