Consecutive 25 scores

ஜெய்ப்பூரில் உள்ள சவாய் மன்சிங் கிரிக்கெட் மைதானத்தில் நடைபெற்று வரும் ராஜஸ்தான் ராயல்ஸ் அணிக்கு எதிரான ஐபிஎல் லீக் போட்டியில் மும்பை இந்தியன்ஸ் அணியின் துணைக்கேப்டன் சூர்யகுமார் யாதவ் வரலாற்று சாதனையைப் படைத்துள்ளார். 

இந்த போட்டியில் 23 பந்துகளை எதிர்கொண்ட சூர்யகுமார் யாதவ் 4 பவுண்டரி 3 சிக்ஸர்கள் என 48 ரன்களைச் சேர்த்து அசத்தி இருந்தார். இந்நிலையில் இப்போட்டியில் சூர்யகுமார் யாதவ் 25 ரன்களைக் கடந்ததன் மூலம் ஐபிஎல் தொடர் வரலாற்றில் தொடர்ச்சியாக 11 இன்னிங்ஸ்களில் 25 அல்லது அதற்கு மேல் ரன்கள் எடுத்த முதல் பேட்ஸ்மேன் என்ற பெருமையை சூர்யகுமார் யாதவ் பெற்றுள்ளார்.