Haryy brook: Cricket News & Match Updates

நியூசிலாந்து - இங்கிலாந்து அணிகளுக்கு இடையேயான மூன்று போட்டிகள் கொண்ட டி20 தொடரானது நடைபெற்று வருகிறது. இதில் இன்று இரு அணிகளுக்கும் இடையேயான இரண்டாவது டி20 போட்டி இன்று நடைபெற்றது. கிறிஸ்ட்சர்ச்சில் உள்ள ஹாக்லே ஓவல் கிரிக்கெட் மைதானத்தில் நடைபெற்ற இந்த ஆட்டத்தில் டாஸ் வென்ற நியூசிலாந்து அணி முதலில் பந்துவீசுவதாக அறிவித்தது. அதன்படி களமிறங்கிய இங்கிலாந்து அணியில் ஜோஸ் பட்லர் 4 ரன்னிலும், ஜேக்கப் பெத்தெல் 2 பவுண்டரி, 2 சிக்ஸர்கள் என 24 ரன்னிலும் என விக்கெட்டுகளை இழந்தனர்.

பின்னர் இணைந்த பில் சால்ட் - கேப்டன் ஹாரி புரூக் இணை அதிரடியாக விளையாடி அணியின் ஸ்கோரை உயர்த்தினர். இதில் இருவரும் தங்களின் அரைசதங்களைப் பதிவு செய்தும் அசத்தினர். அதன்பின் சதமடிப்பார் என எதிர்பார்க்கப்பட்ட பில் சால்ட் 11 பவுண்டரிகள், ஒரு சிக்ஸர் உள்பட 85 ரன்களில் விக்கெட்டை இழக்க, அவரைத் தொடர்ந்து 6 பவுண்டரிகள், 5 சிக்ஸர்கள் என 78 ரன்களைச் சேர்த்த நிலையில் ஹாரி புரூக்கும் விக்கெட்டை இழந்தார். பின்னர் களமிறங்கிய டாம் பாண்டன் 4 பவுண்டரிகள், ஒரு சிக்ஸர் என 29 ரன்களைச் சேர்த்து அணிக்கு ஃபினிஷிங்கைக் கொடுத்தார்.    Read More...