மகளிர் ஒருநாள் தரவரிசை: முதலிடத்திற்காக காத்திருக்கும் ஸ்மிருதி மந்தனா!
ஐசிசி மகளிர் பேட்டர்களுக்கான தரவரிசைப் பட்டியலில் இந்திய மகளிர் அணி வீராங்கனை ஸ்மிருதி மந்தனா இரண்டாம் இடத்திற்கு முன்னேறிவுள்ளார்.
இந்நிலையில் சர்வதேச கிரிக்கெட் கவுன்சில் மகளிர் ஒருநாள் வீராங்கனைகளுக்கான தரவரிசைப் பட்டியலை இன்று வெளியிட்டுள்ளது. இதில் பேட்டர்களுக்கான தரவரிசையில் தென் ஆப்பிரிக்காவின் லாரா வோல்வார்ட் தொடர்ந்து முதலிடத்தில் இருக்கும் நிலையில், முத்தரப்பு ஒருநாள் தொடரில் சிறப்பாக செயல்பட்ட ஸ்மிருதி மந்தனா ஒரு இடம் முன்னேறி இரண்டாம் இடத்திற்கு முன்னேறியுள்ளார். அதேசமயம் இங்கிலாந்தின் நாட் ஸ்கைவர் பிரண்ட் ஒரு இடம் பின் தங்கி மூன்றாம் இடத்தில் உள்ளார்.
இதுதவிர்த்து முத்தரப்பு தொடரில் சிறப்பான ஆட்டத்தை வெளிப்படுத்திய சமாரி அத்தபத்து 2 இடங்கள் முன்னேறி 7ஆம் இடத்தையும், இந்திய அணியின் ஜெமிமா ரோட்ரிக்ஸ் 5 இடங்கள் முன்னேறி 15ஆம் இடத்தையும், தென் ஆப்பிரிக்காவின் சோலே ட்ரையான் 9 இடங்கள் முன்னேறி 18ஆம் இடத்தையும், இந்திய அணியின் தீப்தி சர்மா 13 இடங்கள் முன்னேறி 32ஆம் இடத்தையும், தென் ஆப்பிரிக்காவின் தஸ்மின் பிரிட்ஸ் 8 இடங்கள் முன்னேறி 32ஆம் இடத்தையும் பிடித்துள்ளனர்.
அதேசமயம் மகளிர் ஒருநாள் பந்துவீச்சாளர்களுக்கான தரவரிசைப் பட்டியலில் முதல் 10 இடங்களில் எந்த மாற்றமும் இல்லை. இங்கிலாந்து அணியின் சோஃபி எக்லெஸ்டோன் முதலிடத்திலும், ஆஸ்திரேலியாவின் ஆஷ்லே கார்ட்னர் மற்றும் மேகன் ஷட் ஆகியோர் இரண்டு மற்றும் மூன்றாம் இடங்களிலும், இந்திய அணியின் தீப்தி சர்மா 4ஆம் இடத்திலும், தென் ஆப்பிரிக்காவின் மரிஸான் கேப் 5ஆம் இடத்திலும் தொடர்கின்றனர்.
Also Read: LIVE Cricket Score
மேற்கொண்டு நடந்து முடிந்த முத்தரப்பு ஒருநாள் தொடரில் சிறப்பான பந்துவீச்சை வெளிப்படுத்திய தென் ஆப்பிரிக்காவின் நதின் டி கிளார்க் 24ஆம் இடத்திற்கும், இந்திய அணியின் ஸ்நே ரானா 34ஆம் இடத்திற்கும், இலங்கை அணியின் சுகந்திகா குமாரி 37ஆம் இடத்திற்கும், தென் ஆப்பிரிக்காவின் மசபடா கிளாஸ் 41ஆவது இடத்திற்கும், சோலே ட்ரையான் 50ஆம் இடத்திற்கும், இலங்கையின் தேவ்மி விஹங்கா 79ஆவது இடத்திற்கும் முன்னேறிவுள்ளது குறிப்பிடத்தக்கது.
Win Big, Make Your Cricket Tales Now
