James vince
Image Source: Google
ஐஎல்டி20: ஜேம்ஸ் வின்ஸ் அதிரடியில் கல்ஃப் ஜெயண்ட்ஸ் அபார வெற்றி!
ஐக்கிய அரபு அமீரகத்தில் தொடங்கப்பட்டுள்ள இன்டர்நேஷ்னல் லீக் டி20 தொடர் விறுவிறுப்பாக நடைபெற்று வருகிறது. இதில் இன்று நடைபெற்ற 3ஆவது லீக் ஆட்டத்தில் அபுதாபி நைட் ரைடர்ஸ் - கல்ஃப் ஜெயண்ட்ஸ் அணிகள் பலப்பரீட்சை நடத்தின. இப்போட்டியில் டாஸ் வென்ற நைட் ரைடர்ஸ் அணி முதலில் பேட்டிங் செய்ய தீர்மானித்தது.
அதன்படி களமிறங்கிய அந்த அணியில் பால் ஸ்டிர்லிங் 20 ரன்களையும், ஆண்ட்ரே ரஸ்ஸல் 26 ரன்களையும் தவிர மற்றவீரர்கள் அனைவரும் சொற்ப ரன்களுக்கு ஆட்டமிழந்து பெவிலியனுக்கு நடையைக் கட்டினர். கல்ஃப் ஜெயண்ட்ஸ் தரப்பில் அபாரமாக பந்துவீசிய சஞ்சித் சர்மா, கிறிஸ் ஜோர்டன் தலா 3 விக்கெட்டுகளை வீழ்த்தினர்.
