Pak vs nz
Image Source: Google
PAK vs NZ, 3rd ODI: கிளென் பிலீப்ஸ் அதிரடியில் பாகிஸ்தானை வீழ்த்தி தொடரை வென்றது நியூசிலாந்து!
பாகிஸ்தானுக்கு சுற்றுப்பயணம் மேற்கொண்டுள்ள நியூசிலாந்து அணி அங்கு 2 டெஸ்ட், 3 ஒருநாள் போட்டிகள் கொண்ட தொடரில் ஆடுகிறது. இதில் முதலாவதாக நடைபெற்ற டெஸ்ட் தொடர் 0-0 என்ற கணக்கில் டிரா ஆனது. இதையடுத்து நடைபெற்ற ஒருநாள் தொடரில் முதல் போட்டியில் பாகிஸ்தானும், 2ஆவது போட்டியில் நியூசிலாந்தும் வெற்றி பெற்றன. இந்நிலையில், தொடரி யாருக்கு என்பதை தீர்மானிக்கும் 3ஆவது மற்றும் கடைசி ஒருநாள் போட்டி இன்று நடைபெற்று வருகிறது.
இந்தப்போட்டியில் டாஸ் வென்ற பாகிஸ்தான் அணி முதலில் பேட்டிங் செய்வதாக அறிவித்தது. இதையடுத்து அந்த அணியின் தொடக்க ஆட்டக்காரர்களாக ஃபகர் ஸமான், ஷான் மசூத் ஆகியோர் களம் இறங்கினர். இதில் ஷான் மசூத் 0 ரன்னிலும், அடுத்து வந்த கேப்டன் பாபர் ஆசாம் 4 ரன்னிலும் அவுட் ஆகினர்.
