Shannon gabriel retirement

வெஸ்ட் இண்டீஸ் அணியானது சமீபத்தில் தென் ஆப்பிரிக்க அணிக்கு எதிராக சொந்த மண்ணில் 2 போட்டிகள் கொண்ட டெஸ்ட் மற்றும் 3 போட்டிகள் கொண்ட டி20 தொடரில் விளையாடியது. இதில் டெஸ்ட் தொடரை தென் ஆப்பிரிக்க அணி 1-0 என்ற கணக்கில் கைப்பற்றிய நிலையில், டி20 தொடரை வெஸ்ட் இண்டீஸ் அணியானது 3-0 என்ற கணக்கில் முழுமையாக கைப்பற்றியதுடன், தென் ஆப்பிரிக்க அணியையும் ஒயிவாஷ் செய்து அசத்தியது.

இந்நிலையில் வெஸ்ட் இண்டீஸ் அணியின் முன்னணி வேகப்பந்து வீச்சாளர்களில் ஒருவராக இருந்த ஷனான் கேப்ரியல் கடந்த சில ஆண்டுகளாகவே அணியில் வாய்ப்பு கிடைக்காமல் தடுமாறி வந்தார். இந்நிலையில், தொடர்ச்சியாக வாய்ப்புகள் ஏதும் கிடைக்காத காரணத்தால் ஷனான் கேப்ரியல் சர்வதேச கிரிக்கெட் போட்டிகளில் இருந்து ஓய்வு பெறுவதாக இன்று அறிவித்துள்ளார்.