Usa vs can head to head
ஐசிசி டி20 உலகக்கோப்பை 2024: அமெரிக்கா vs கனடா - உத்தேச லெவன் & ஃபேண்டஸி லெவன் டிப்ஸ்!
United States vs Canada Dream11 Prediction Match 1, ICC T20 World Cup 2024: ரசிகர்கள் ஆவலுடன் எதிர்பார்த்து காத்திருக்கும் ஐசிசி ஆடவர் டி20 உலகக்கோப்பை கிரிக்கெட் தொடர் நாளை முதல் அமெரிக்கா மற்றும் வெஸ்ட் இண்டீஸில் கோலாகலமாக தொடங்கவுள்ளது. அதுமட்டுமின்றி எப்போதும் இல்லாத அளவிற்கு இம்முறை 20 அணிகள் இத்தொடரில் பங்கேற்கவுள்ளதால் இதில் எந்த அணி சாம்பியன் பட்டத்தை வெல்லும் என்று எதிர்பார்ப்புகளும் அதிகரித்து வருகின்றன. அந்தவகையில் நாளை தொடங்கும் முதல் லீக் போட்டியில் குரூப் ஏ குழுவில் இடம்பிடித்துள்ள தொடரை நடத்தும் அமெரிக்க அணியும், கனடா அணியும் பலப்பரீட்சை நடத்தவுள்ளன. மேலும் இரு அணிகளும் பங்கேற்கும் முதல் டி20 உலகக்கோப்பை தொடர் இதுவென்பதால், இதில் எந்த அணி வெற்றிபெற்று வரலாறு படைக்கும் என்ற எதிர்பார்ப்புகளும் அதிகரித்துள்ளன.
USA vs CAN Match Details
- மோதும் அணிகள் - அமெரிக்கா vs கனடா
- இடம் - கிராண்ட் ப்ரேரி மைதானம், டல்லாஸ்
- நேரம் - காலை 6 மணி (இந்திய நேரப்படி)
USA vs CAN: Pitch Report
கிராண்ட் ப்ரேரி மைதானமானது சுழற்பந்துவீச்சாளர்களுக்கு சாதகமான மைதானமாக அறியப்படுகிறது. இதன் காரணமாக இங்கு இரண்டாவது இன்னிங்ஸில் பேட்டிங் செய்வதற்கு சிறப்பானதாக இருக்கும். ஏனெனில் மைதானம் மிகவும் மெதுவானதாக இருக்கும் என்பதால் இங்கு பெரிதளவில் ஸ்கோரை எதிர்பார்க்கமுடியாது. இதன் காரணமாக டாஸ் வெல்லும் கேப்டன் சேஸிங்கைத் தேர்வு செய்வது வெற்றிக்கு வழிவகுக்கலாம்.
