Wiw vs banw 1st odi

வங்கதேச மகளிர் அணி வெஸ்ட் இண்டீஸில் சுற்றுப்பயணம் செய்து மூன்று போட்டிகள் கொண்ட ஒருநாள் மற்றும் டி20 தொடர்களில் விளையாடி வருகிறது. இதில் இன்று இவ்விரு அணிகளுக்கும் இடையேயான முதல் ஒருநாள் போட்டியானது செயின்ட் கிட்ஸில் நடைபெற்றது. இப்போட்டியில் டாஸ் வென்ற வெஸ்ட் இண்டீஸ் மகளிர் அணி முதலில் பந்துவீசுவதாக அறிவித்து வங்கதேச அணியை பேட்டிங் செய்ய அழைத்தது. 

அதன்படி களமிறங்கிய வங்கதேச மகளிர் அணிக்கு ஃபர்கானா ஹக் - முர்ஷிதா கதும் இணை தொடக்கம் கொடுத்தனர். இதில் ஃபர்கானா 10 ரன்களில் விக்கெட்டை இழந்தார். பின்னர் முர்ஷிதாவுடன் இணைந்த ஷமின் அக்தர் இணை பொறுப்புடன் விளையாடி அணியின் ஸ்கோரை உயர்த்தினர். தொடர்ந்து சிறப்பான ஆட்டத்தை வெளிப்படுத்தியதுடன் இரண்டாவது விக்கெட்டிற்கு 40 ரன்களுக்கு மேல் பார்ட்னர்ஷிப் அமைத்து அசத்தினர். அதன்பின் அரைசதம் அடிப்பார் என எதிர்பார்க்கப்பட்ட முர்ஷிதா கதும் 40 ரன்களிலும், ஷமின் அக்தர் 42 ரன்களிலும் ஆட்டமிழந்தனர்.