Youngsters sarfaraz khan

இந்தியா - இங்கிலாந்து அணிகளுக்கு இடையேயான மூன்றாவது டெஸ்ட் போட்டி ராஜ்கோட்டில் உள்ள சௌராஷ்டிரா கிரிக்கெட் சங்க மைதானத்தில் இன்று தொடங்கியது. இப்போட்டியில் டாஸ் வென்ற இந்திய அணி முதலில் பேட்டிங் செய்வதாக அறிவித்தது. இன்றைய போட்டிக்கான இந்திய அணியில் அறிமுக வீரர்களாக சர்ஃப்ராஸ் கான் மற்றும் துருவ் ஜுரெலுக்கு வாய்ப்பு வழங்கப்பட்டது.

முன்னதாக கடந்த சில ஆண்டுகளாகவே உள்ளூர் கிரிக்கெட் போட்டிகளில் அபார ஆட்டத்தை வெளிப்படுத்தி வந்த சர்ஃப்ராஸ் கான் இந்திய அணிக்கு தேர்வு செய்யப்படாமல் இருந்தது பல்வேறு விமர்சனங்களுக்கு வழிவகுத்தது. அதிலும் குறிப்பாக ஒவ்வொரு முறையும் உள்ளூர் கிரிக்கெட் போட்டிகளில் சர்ஃப்ராஸ் கான் சதமடிக்கும் போதெல்லாம் அவரை இந்திய அணியில் சேர்க்க வேண்டும் என்ற கோரிக்கைகள் வலுத்து வந்தன.