காபா டெஸ்ட்: தொடர் மழை காரணமாக முன்கூட்டியே முடிவடைந்த முதல் நாள் ஆட்டம்!

ஆஸ்திரேலியாவில் சுற்றுப்பயணம் செய்துவரும் இந்திய அணி 5 போட்டிகளை உள்ளடக்கிய பார்டர் கவாஸ்கர் கோப்பை கிரிக்கெட் தொடரில் விளையாடி வருகிறது. இதில் நடந்து முடிந்துள்ள முதலிரண்டு டெஸ்ட் போட்டிகளின் முடிவில் இரு அணிகளும் தலா ஒரு வெற்றியைப் பதிவுசெய்ததுடன் 1-1 என்ற கணக்கில் தொடரையும் சமன்செய்து அசத்தியுள்ளன. 

இதைத்தொடர்ந்து ஆஸ்திரேலியா - இந்திய அணிகளுக்கு இடையேயான மூன்றாவது டெஸ்ட் போட்டியானது பிரிஸ்பேனில் உள்ள காபா கிரிக்கெட் மைதானத்தில் இன்று (டிசம்பர் 14) தொடங்கிய நிலையில், இதில் டாஸ் வென்ற இந்திய அணி கேப்டன் ரோஹித் சர்மா முதலில் பேட்டிங் செய்வதாக அறிவித்து ஆஸ்திரேலிய அணியை பேட்டிங் செய்ய அழைத்துள்ளார். இப்போட்டிக்கான ஆஸ்திரேலிய் அணியின் பிளேயிங் லெவனில் ஜோஷ் ஹேசில்வுட் சேர்க்கப்பட்டுள்ளார். 

அதேசமயம் இந்திய அணியின் பிளேயிங் லெவனில் ரவீந்திர ஜடேஜ மற்றும் ஆகாஷ் தீப் சேர்க்கப்பட்டு, ரவிச்சந்திரன் அஸ்வின், ஹர்ஷித் ரானா ஆகியோர் பிளேயிங் லெவனில் இருந்து நீக்கப்பட்டுள்ளனர். இதையடுத்து முதல் இன்னிங்ஸைத் தொடங்கிய ஆஸ்திரேலிய அணிக்கு உஸ்மான் கவாஜா மற்றும் நாதன் மெக்ஸ்வீனி இணை தொடக்கம் கொடுத்தனர். இருவரும் இணைந்து நிதான ஆட்டத்தை வெளிப்படுத்தி அணியின் ஸ்கோரை சீரான வேகத்தில் உயர்த்த முயற்சித்தனர். 

அச்சமயத்தில் மழை குறுக்கிட்டதன் காரணமாக ஆட்டம் தடைபட்டது. இதனால் ஆஸ்திரேலிய அணி 13.2 ஓவர்களில் விக்கெட் இழப்பின்றி 28 ரன்களை எடுத்த நிலையில் முதல்நாள் உணவு இடைவேளையானது எடுக்கப்பட்டது. இதில் உஸ்மான் கவாஜா 19 ரன்களுடனும், நாதன் மெக்ஸ்வீனி 4 ரன்களுடனும் என களத்தில் உள்ளனர். இந்திய அணி தரப்பில் பும்ரா, சிராஜ், ஆகாஷ் தீப் ஆகியோர் பந்துவீசிய நிலையிலும் விக்கெட்டுகள் ஏதும் கைப்பற்றவில்லை.

அதன்பின் உணவு இடைவேளை முடிந்த நிலையிலும் மழை தொடர்ந்த் காரணத்தால் தேநீர் இடைவேளையும் எடுக்கப்பட்டது. ஆனால் தொடர்ந்து மழை நீடித்த காரணத்தால் இப்போட்டியின் முதல்நாள் ஆட்டமானது முடிவடைந்ததாக அறிவிக்கப்பட்டது. அதேசமயம் நாளை இரண்டாம் நாள் ஆட்டமானது அதிகாலை 5.20 மணிக்கே தொடங்கும் என்ற அறிவிப்பும் வெளியாகியுள்ளது குறிப்பிடத்தக்கது. 

ஆஸ்திரேலியா பிளேயிங் லெவன்: உஸ்மான் கவாஜா, நாதன் மெக்ஸ்வீனி, மார்னஸ் லாபுஷாக்னே, ஸ்டீவ் ஸ்மித், டிராவிஸ் ஹெட், மிட்செல் மார்ஷ், அலெக்ஸ் கேரி, பாட் கம்மின்ஸ் (கே), மிட்செல் ஸ்டார்க், நாதன் லையன், ஜோஷ் ஹேசில்வுட்.

Also Read: Funding To Save Test Cricket

இந்தியா பிளேயிங் லெவன்: யஷஸ்வி ஜெய்ஸ்வால், கேஎல் ராகுல், ஷுப்மான் கில், விராட் கோலி, ரிஷப் பந்த், ரோஹித் சர்மா (கேப்டன்), நிதிஷ் குமார் ரெட்டி, ரவீந்திர ஜடேஜா, ஆகாஷ்தீப், ஜஸ்பிரித் பும்ரா, முகமது சிராஜ்.