டி10 லீக்: சென்னைக்கு எதிரான போட்டியில் டீம் அபுதாபி அணி த்ரில் வெற்றி!

டி10 கிரிக்கெட் லீக் தொடரில் நேற்று நடைபெற்ற 10ஆவது லீக் ஆட்டத்தில் சென்னை பிரேவ்ஸ் - டீம் அபுதாபி அணிகள் மோதின. இதில் டாஸ் வென்ற அபுதாபி அணி முதலில் பந்துவீச தீர்மானித்தது.

அதன்படி களமிறங்கிய சென்னை அணிக்கு பனுகா ராஜபக்ஷ அரைசதம் அடித்து உதவினார். இதனால் 10 ஓவர்கள் முடிவில் சென்னை அணி 2 விக்கெட்டுகளை மட்டும் இழந்து 132 ரன்களைச் சேர்த்தது.

இதையடுது இலக்கைத் துரத்திய அபுதாபி அணிக்கு பிலிப் சால்ட் - பால் ஸ்டிர்லிங் இணை அதிரடியான தொடக்கத்தைக் கொடுத்தது. இதில் அரைசதம் அடிப்பார் என்று எதிர்பார்க்கப்பட்ட பால் ஸ்டிர்லிங் 44 ரன்களில் அட்டமிழந்தார்.

இருப்பினும் மறுமுனையில் அதிரடியாக விளையாடி வந்த பிலிப் சால்ட் அரைசதம் கடந்து அசத்தினார். அவருடன் இணைந்த கேப்டன் லியாம் லிவிங்ஸ்டோனும் சிக்சர்களை பறக்கவிட்டு அசத்தினார். 

Also Read: T20 World Cup 2021

இதன்மூலம் டீம் அபுதாபி அணி 9.2 ஓவர்களிலேயே இலக்கை எட்டி 8 விக்கெட் வித்தியாசத்தில் சென்னை பிராவ்ஸை வீழ்த்தி அசத்தியது.