ENG vs IND: நான்காவது டெஸ்டில் ஆண்டர்சன்னுக்கு ஓய்வு?

இந்தியா-இங்கிலாந்து அணிகளுக்கு இடையேயான 4ஆவது டெஸ்ட் போட்டி செப்டம்பர் 2ஆம் தேதி லண்டனிலுள்ள ஓவல் மைதானத்தில் தொடங்குகிறது. இந்நிலையில் இப்போட்டிக்கான இங்கிலாந்து அணியில் சாம் பில்லிங்ஸ், கிறிஸ் வோக்ஸ், மார்க் வுட் ஆகியோர் சேர்க்கப்பட்டுள்ளனர். 

இந்நிலையில் கடந்த மூன்று போட்டிகளிலும் இங்கிலாந்து அணியின் துருப்புச்சீட்டாக விளங்கிய மூத்த வேகப்பந்துவீச்சாளர் ஜேம்ஸ் ஆண்டர்சன்னுக்கு, நான்காவது டெஸ்ட் போட்டியில் ஓய்வளிக்கப்பட்டுள்ளதாக தகவல் வெளியாகியுள்ளது. 

ஏனெனில் ஏற்கெனவே இங்கிலாந்து அணியில் சாகிப் மஹ்மூத் அணியில் இருக்க, தற்போது கிறிஸ் வோக்ஸ், மார்க் வுட் ஆகியோரும் இங்கிலாந்து அணிக்கு திரும்பியுள்ளதால், இம்முடிவினை இங்கிலாந்து கிரிக்கெட் வாரியம் எடுத்துள்ளதாக தகவல் வெளியாகியுள்ளது. 

அதேசமயம் குழந்தை பிறப்பு காரணமாக தொடரிலிருந்து விலகியுள்ள ஜோஸ் பட்லருக்கு பதிலாக ஜானி பேர்ஸ்டோவ் விக்கெட் கீப்பிங் செய்யவார் என்றும் எதிர்பார்க்கப்படுகிறது. 

Also Read: சிட்னி சிக்சர்ஸில் மீண்டும் ஓராண்டு ஒப்பந்தமான பிராத்வைட்!

இங்கிலாந்து அணி: ரோரி பர்ன்ஸ், ஹசீப் ஹமீது, டேவிட் மலான், ஜோ ரூட், டேன் லார்னஸ், ஜானி பேர்ஸ்டோ, மொயின் அலி, சாம் கரன், கிரெய்க் ஓவர்டன், ஆலி ராபின்சன், ஆண்டர்சன், ஆலி போப், சாம் பில்லிங்ஸ், மார்க் உட், கிறிஸ் வோக்ஸ்