ஆசிய கோப்பை கிரிக்கெட் தொடரின் 15ஆவது சீசன் விறுவிறுப்பாக நடைபெற்று வருகிறது. இதில் சூப்பர் 4 சுற்று ஆட்டங்கள் பரபரப்பான கட்டத்தை எட்டியுள்ளது.
அதன்படி இன்று நடைபெற்றுவரும் சூப்பர் 4 சுற்று ஆட்டத்தில் இந்திய - இலங்கை அணிகள் பலப்பரீட்சை நடத்துகின்றன. இப்போட்டியில் டாஸ் வென்ற இலங்கை அணி முதலில் பந்துவீச தீர்மானித்தது.
அதன்படி களமிறங்கிய இந்திய அணியில் கேஎல் ராகுல் 6 ரன்களுடனும், இந்த தொடரில் ஃபார்முக்கு திரும்பிய விராட் கோலி ரன் ஏதுமின்றியும் ஆட்டமிழந்து ஏமாற்றமளித்தனர்.
அதன்பின் ஜோடி சேர்ந்த கேப்டன் ரோஹித் சர்மா - சூர்யகுமார் யாதவ் இணை அதிரடியான ஆட்டத்தை வெளிப்படுத்தி அணியின் ஸ்கோரை மளமளவென உயர்த்தியதுடன், விக்கெட் இழப்பையும் தடுத்தனர்.
இதில் தொடர்ந்து அபாரமாக விளையாடிய ரோஹித் சர்மா அரைசதம் கடந்து அசத்தினார். அதன்பின் 72 ரன்களில் ரோஹித் சர்மா விக்கெட்டை இழக்க, மறுமுனையில் அரைசதம் கடப்பார் என எதிர்பார்க்கப்பட்ட சூர்யகுமார் யாதவும் 34 ரன்களில் ஆட்டமிழந்தார்.
இதையடுத்து களமிறங்கிய ஹர்திக் பாண்டியாவும் அதிரடியாக விளையாட முயற்சித்து 17 ரன்களில் விக்கெட்டை இழந்தார். அதன்பின் வந்த தீபக் ஹூடா, ஷனகாவின் முதல் பந்திலேயே விக்கெட்டை இழக்க, அந்த பந்து நோ பாலாக அறிவிக்கப்பட்டதை அடுத்து அவர் தனது அதிரடியாக விளையாடுவார் என எதிர்பார்க்கப்பட்ட நிலையில் 3 ரன்களில் ஆட்டமிழந்தார்.
அதன்பின் அதிரடியாக விளையாடிவந்த ரிஷப் பந்தும் 17 ரன்கள் எடுத்த நிலையில் தில்ஷன் மதுஷாங்கா ஓவரில் ஆட்டமிழந்து பெவிலியனுக்கு நடையைக் கட்டினார். பின்னர் களமிறங்கிய வீரர்களும் சோபிக்க தவறினர். இறுதில் ரவிச்சந்திரன் அஸ்வின் சிக்கர் விளாசி இன்னிங்ஸை முடித்து வத்தார்.
இதனால் 20 ஓவர்கள் முடிவில் இந்திய அணி 8 விக்கெட்டுகளை இழந்து 173 ரன்களை எடுத்தது. இலங்கை அணி தரப்பில் தில்ஷன் மதுஷாங்கா 3 விக்கெட்டுகளையும், கேப்டன் தசுன் ஷானகா 2 விக்கெட்டுகளையும் கைப்பற்றினர்.