BANW vs IREW, 3rd T20I: ஒருநாள் தோல்விக்கு டி20 தொடரில் பதிலடி கொடுத்தது அயர்லாந்து!
அயர்லாந்து மகளிர் அணி வங்கதேசத்தில் சுற்றுப்பயணம் செய்து தற்சமயம் 3 போட்டிகள் கொண்ட டி20 தொடரில் விளையடிவந்தது. இதில் நடந்து முடிந்த முதலிரண்டு போட்டிகளின் முடிவில் அயர்லாந்து மகளிர் அணி வெற்றிபெற்றதுடன், 2-0 என்ற கணக்கில் தொடரையும் கைப்பற்றி அசத்தியது. இந்நிலையில் இரு அணிகளுக்கும் இடையேயான மூன்றாவது டி20 போட்டி இன்று நடைப்பெற்றது.
சில்ஹெட்டில் நடைபெற்ற இப்போட்டியில் டாஸ் வென்ற அயர்லாந்து அணி முதலில் பந்துவீசுவதாக அறிவித்து வங்கதேச அணியை பேட்டிங் செய்ய அழைத்தது. அதன்படி களமிறங்கிய் அந்த் அணிக்கு சோபனா மோஸ்ட்ரி - முர்ஷிதா கதும் இணை தொடக்கம் கொடுத்தனர். இதில் முர்ஷிதா கதும் 12 ரன்னில் விக்கெட்டை இழந்தார். பின்னர் களமிறங்கிய ஷார்மின் அக்தர் சிறப்பன ஆட்டத்தை வெளிப்படுத்தி அணியின் ஸ்கோரை மளமளவென உயர்த்தினர்.
இதில் அரைசதம் அடிப்பார் என பெரிதும் எதிர்பார்க்கப்பட்ட சோபனா மோஸ்ட்ரி 45 ரன்னில் விக்கெட்டை இழக்க, அவரைத்தொடர்ந்து 34 ரன்களைச் சேர்த்த நிலையில் ஷார்மின் அக்தரும் தனது விக்கெட்டை இழந்தார். இதனியடுத்து களமிறங்கிய வீராங்கனகளும் அடுத்தடுத்து சொற்ப ரன்களுக்கு விக்கெட்டை இழந்து பெவிலியன் திரும்பினார். இதனால் வங்கதேச மகளிர் அணி 7 விக்கெட் இழப்பிற்கு 123 ரன்களை மட்டுமே எடுத்தது. அயர்லாந்து தரப்பில் ஓர்லா ப்ரெண்டர்காஸ்ட் 4 விக்கெட்டுகளை கைப்பற்றினார்.
இதனையடுத்து எளிய இலக்கை நோக்கி விளையாடிய அயர்லாந்து மகளிர் அணிக்கு ஏமி ஹண்டர் - கேப்டன் கேபி லூயிஸ் இணை தொடக்கம் கொடுத்தனர். இதில் இருவரும் இணைந்து முதல் விக்கெட்டிற்கு 55 ரன்கள் பார்ட்னர்ஷிப் அமைத்த நிலையில் ஏமி ஹண்டர் 28 ரன்னில் விக்கெட்டை இழந்த நிலையில், அவரைத் தொடர்ந்து 21 ரன்களைச் சேர்த்த கையோடு கேபி லூயிஸும் தனது விக்கெட்டை இழந்து பெவிலியனுக்கு நடையைக் கட்டினார்.
அதன்பின் களமிறங்கிய ஓர்லா ப்ரெண்டர்காஸ்ட் 11 ரன்னிலும், லிய பால் ரன்கள் ஏதுமின்றியும் விக்கெட்டை இழந்து ஏமாற்றமளித்தனர். பின்னர் களமிறங்கிய லாரா டெலானி ஒருபக்கம் பொறுப்புடன் விளையாடி அணியின் ஸ்கோரை உயர்த்திய நிலையில், மறுப்பக்கம் விளையாடிய ரெபெக்கா ஸ்டாகெல் 19 ரன்னிலும், அர்லீன் கெல்லி 02 ரன்னிலும் என விக்கெட்டை இழந்தனர். இருப்பினும் இறுதிவரை ஆட்டமிழக்காமல் இருந்த லாரா டெலானி 36 ரன்களைச் சேர்த்து அணிக்கு வெற்றியைத் தேடிக்கொடுத்தார்.
Also Read: Funding To Save Test Cricket
இதன்மூலம் அயர்லாந்து மகளிர் அணி 19.5 ஓவர்களில் இலக்கை எட்டியதுடன் 4 விக்கெட் வித்தியாசத்தில் வங்கதேச அணியை வீழ்த்தி வெற்றிபெற்றது. இந்த வெற்றியின் மூலம் அயர்லாந்து மகளிர் அணி இந்த டி20 தொடரை 3-0 என்ற கணக்கில் முழுமையாக கைப்பற்றியதுடன், வங்கதேச அணியை அதன் சொந்த மண்ணிலேயே ஒயிட்வாஷ் செய்து அத்தியுள்ளது குறிப்பிடத்தக்கது.