இங்கிலாந்தில் சுற்றுப்பயணம் மேற்கொண்டுள்ள ஆஸ்திரேலிய அணி 5 போட்டிகள் கொண்ட ஆஷஸ் டெஸ்ட் தொடரில் விளையாடி வருகிறது. இத்தொடரில் ஆஸ்திரேலிய அணி ஏற்கெனவே 2 போட்டிகளில் வெற்றிபெற்று தொடரில் முன்னிலைப் பெற்றிருந்தது. இதையடுத்து இரு அணிகளுக்கும் இடையேயான மூன்றாவது டெஸ்ட் போட்டி லீட்ட்ஸில் நடைபெற்றது.
இப்போட்டியில் முதல் இன்னிங்ஸில் பேட்டிங் செய்த ஆஸ்திரேலியா அணி 263 ரன்களுக்கு ஆல் அவுட் ஆனது. மிச்சல் மார்ஸ் 118 ரன்கள் குறித்து பேட்டிங்கில் மிகப்பெரிய பங்களிப்பை கொடுத்தார். அதன்பின் முதல் இன்னிங்சில் களமிறங்கிய இங்கிலாந்து அணி தட்டுத்தடுமாறி 237 ரன்கள் அடித்து ஆல் அவுட் ஆனது. கேப்டன் பென் ஸ்டோக்ஸ் மட்டுமே இறுதிவரை போராடி 80 ரன்களுக்கு அவுட் ஆனார். கேப்டன் கம்மின்ஸ் 6 விக்கெட்டுகளை கைப்பற்றி பந்துவீச்சில் அசத்தினார்.
இதன்மூலம் 26 ரன்கள் முன்னிலை பெற்றிருந்த ஆஸ்திரேலியா அணி இரண்டாவது இன்னிங்சில் 224 ரன்கள் அடித்து ஆல் அவுட் ஆனது. 250 ரன்கள் முன்னிலை பெற்று 251 ரன்கள் இலக்காக நிர்ணயித்தது. இலக்கை துரத்திய இங்கிலாந்து அணிக்கு டாப் ஆர்டர் பேட்ஸ்மேன்கள் பெரிதளவில் சோபிக்கவில்லை. அதிகபட்சமாக ஜாக் கிராலி 44 ரன்கள் அடித்தார். ஸ்டோக்ஸ், ஜோ ரூட் இருவரும் சொற்பொருள்களுக்கு வெளியேறினர்.
ஹரி புரூக் பொறுப்புடன் விளையாடி 75 ரன்கள் அடித்து அவுட் ஆனார். கிறிஸ் வோக்ஸ் இறுதிவரை ஆட்டமிழக்காமல் நின்று 32 ரன்கள் அடித்துக் கொடுக்க, இங்கிலாந்து அணி 7 விக்கெட்டுகள் இழப்பிற்கு 254 ரன்கள் அடித்து 3 விக்கெட்டுகள் வித்தியாசத்தில் வெற்றி பெற்றது. இப்போட்டியில் சிறப்பாக செயல்பட்ட மார்க் வுட் ஆட்டநாயகனாகத் தேர்வு செய்யப்பட்டார்.
இப்போட்டியின் வெற்றிக்கு பின் பேசிய இங்கிலாந்து அணியின் கேப்டன் பென் ஸ்டோக்ஸ், “இங்கிலாந்து அணியின் இந்த வெற்றி தொடக்கம்தான். இனிவரும் டெஸ்டுகளிலும் வெற்றி தொடரும். முதல் இரண்டு போட்டியில் தோற்றப் பிறகு 3ஆவது டெஸ்ட் முக்கியமானது. இதனால் நெருக்கடியில் பெற்ற இந்த வெற்றி சிறப்பானது. எங்கள் அணி வீரர்களின் செயல்பாடு மிக சிறப்பாக இருந்தது.
எல்லையைத் தாண்டி உங்கள் நம்பிக்கையை உயிர்ப்புடன் வைத்திருப்பதில் மகிழ்ச்சி. நாங்கள் டாஸ் வென்றிருந்தால், நாங்கள் பேட்டிங் மற்றும் பந்துவீச்சு இரண்டையும் செய்திருக்கலாம். ஏனெனில் இது ஒரு நல்ல விக்கெட்டாகத் தோன்றியது. மிட்செல் மார்ஷ் எப்படி பேட்டிங் செய்தார் என்று பார்த்தேன். அவுட்பீல்ட் மிக வேகமாக இருந்தது. எங்களிடம் மார்க் வுட் மற்றும் கிறிஸ் வோக்ஸ் மீண்டும் இருந்தனர், அவர்கள் நன்றாக செயல்பட்டனர்.
ஆட்டத்தில் பிட்ச் ஏற்படுத்தக்கூடிய தாக்கத்தின் அடிப்படையில் எங்கள் அணியைத் தேர்ந்தெடுத்தோம். விளையாட்டில் அவர் எவ்வாறு செல்வாக்கு செலுத்த முடியும் என்பதைப் பார்க்க முயற்சிக்கிறோம். வோக்ஸ் இவ்வளவு காலமாக டெஸ்ட் விளையாடவில்லை என்பதை நான் உணரவில்லை. அவரைப் போல பேட் செய்யக்கூடிய ஒருவர் எட்டாவது இடத்தில் பேட்டிங் செய்வது எங்களுக்கு உதவுகிறது” என்று தெரிவித்துள்ளார்.