சிபிஎல் 2021: ஹெட்மையர் அதிரடியில் கடின இலக்கை நிர்ணயித்த கயானா!

நடப்பாண்டு சிபிஎல் தொடரின் முதல் லீக் போட்டி இன்று நடைபெற்று வருகிறது. இதில் நடப்பு சாம்பியன் டிரின்பாகோ நைட் ரைடர்ஸ் அணி, கயானா அமேசன் வாரியர்ஸ் அணியை எதிர்கொண்டது. இப்போட்டியில் டாஸ் வென்ற நைட் ரைடர்ஸ் முதலில் பந்துவீச தீர்மானித்தது.

இதையடுத்து களமிறங்கிய கயானா அமேசன் வாரியர்ஸ் அணியில் பிராண்டன் கிங், ஹெம்ராஜ் ஆகியோர் சொற்ப ஆட்டமிழந்து வெளியேறி ஏமாற்றினர். அவர்களைத் தொடர்ந்து வந்த வீரர்களும் அடுத்தடுத்து நடையைக் கட்ட அணியின் ஸ்கோர் வீழ்ச்சியை நோக்கி சென்றது. 

இருப்பினும் 4ஆவது விக்கெட்டிற்கு களமிறங்கிய சிம்ராஹ் ஹெட்மையர் மட்டும் நின்று விளையாடி அரைசதமடித்து அசத்தினார். 

Also Read: : சிட்னி சிக்சர்ஸில் மீண்டும் ஓராண்டு ஒப்பந்தமான பிராத்வைட்!

இதனால் 20 ஓவர்கள் முடிவில் அந்த அணி 7 விக்கெட்டுகளை இழந்து 142 ரன்களை எடுத்தது. இதில் அதிகபட்சமாக ஹெட்மையர் 54 ரன்களைச் சேர்த்தார். நைட் ரைடர்ஸ் சுனில் நரைன், அகீல் ஹொசைன் தலா 2 விக்கெட்டுகளைக் கைப்பற்றினர்.