சிபிஎல் 2021: ஐந்தாவது வெற்றியைப் பதிவுசெய்த பேட்ரியாட்ஸ்!

சிபிஎல் டி20 தொடரில் இன்று நடைபெற்ற 14ஆவது லீக் ஆட்டத்தில் செயிண்ட் கிட்ஸ் அண்ட் நேவில் பேட்ரியாட்ஸ் - பார்போடாஸ் ராயல்ஸ் அணிகள் பலப்பரீட்சை நடத்தின. இதில் டாஸ் வென்ற பேட்ரியாட்ஸ் முதலில் பந்துவீசியது. 

அதன்படி களமிறங்கிய ராயல்ஸ் அணி சமித் படேலின் அதிரடியான அரைசதத்தால் 20 ஓவர்கள் முடிவில் 161 ரன்களை இலக்காக நிர்ணயித்தது. இதில் சமித் படேல் 54 ரன்களை எடுத்தார். பேட்ரியாட்ஸ் அணி தரப்பில் டுவைன் பிராவோ 4 விக்கெட்டுகளை கைப்பற்றினார். 

இதையடுத்து இலக்கை துரத்திய பேட்ரியாட்ஸ் அணியில் டேவன் தமஸ், கிறிஸ் கெயில் இணை அதிரடியான தொடக்கத்தைக் கொடுத்தனர். இருப்பினும் கடைசி 4 பந்துகளில் 9 ரன்கள் தேவை என்ற நிலை ஏற்பட்டது. 

Also Read: சிட்னி சிக்சர்ஸில் மீண்டும் ஓராண்டு ஒப்பந்தமான பிராத்வைட்!

அதனை எதிர்கொண்ட ஷெல்டன் கேட்ரோல் ஒரு பவுண்டரி, ஒரு சிக்சரை விளாசி அணியை வெற்றிக்கு அழைத்துச் சென்றார். இதன் மூலம் பேட்ரியாட்ஸ் அணி 2 விக்கெட் வித்தியாசத்தில் ரயால்ஸை வீழ்த்தியதுடன், நடப்பு சீசனில் தோடர்ச்சியாக ஐந்தாவது வெற்றியையும் பெற்றது.