சிபிஎல் 2021: ரோஸ்டன் சேஸ் அதிரடியில் செயிண்ட் லூசியா கிங்ஸ் வெற்றி!

சிபிஎல் தொடரில் இன்று நடைபெற்ற 17ஆவது லீக் ஆட்டத்தில் செயிண்ட் லூசியா கிங்ஸ் - செயிண்ட் கிட்ஸ் அண்ட் நேவிஸ் பேட்ரியாட்ஸ் அணிகள் மோதின. இதில் டாஸ் வென்ற பேட்ரியாட்ஸ் முதலில் பேட்டிங் செய்ய தீர்மானித்தது. 

அதன்படி களமிறங்கிய பேட்ரியாட்ஸ் அணி 19.3 ஓவர்களிலேயே அனைத்து விக்கெட்டுகளையும் இழந்து 118 ரன்களை மட்டுமே எடுத்தது. செயிண்ட் லூசியா கிங்ஸ் அணி தரப்பில் ஜெவர் ராயல் 3 விக்கெட்டுகளைக் கைப்பற்றினார். 

அதன்பின் எளிய இலக்கை துரத்திய செயிண்ட் லூசியா கிங்ஸ் அணியில் ஃபிளட்சர் ரன் ஏதுமின்றியும், ஃபாஃப் டூ பிளெசிஸ் 22 ரன்களிலும் ஆட்டமிழந்தனர். 

பின் அதிரடியான ஆட்டத்தை வெளிப்படுத்திய ரோஸ்டன் சேஸ் அரைசதம் அடித்ததுடன், அணியை வெற்றிக்கும் அழைத்துச் சென்றார்.

Also Read: சிட்னி சிக்சர்ஸில் மீண்டும் ஓராண்டு ஒப்பந்தமான பிராத்வைட்!

இதன் மூலம் செயிண்ட் லூசியா கிங்ஸ் அணி 6 விக்கெட் வித்தியாசத்தில் பேட்ரியாட்ஸ் அணியை வீழ்த்தி, புள்ளிப்பட்டியலின் இரண்டாம் இடத்திற்கு முன்னேறியது. இப்போட்டி அதிரடி ஆட்டத்தை வெளிப்படுத்திய ரோஸ்டன் சேஸ் ஆட்டநாயகனாகத் தேர்வு செய்யப்பட்டார்.