ஐக்கிய அரபு அமீரகத்தில் தற்போது நடைபெற்று வரும் 14ஆவது ஐபிஎல் தொடரானது இறுதி கட்டத்தை நெருங்கி உள்ளது. இந்த தொடரின் முதலாவது தகுதிச்சுற்றுப் போட்டியில் வெற்றி பெற்ற சென்னை அணி ஏற்கனவே இறுதி போட்டிக்குள் நுழைந்தது.
அதனை தொடர்ந்து நடைபெற்ற டெல்லி அணிக்கு எதிராக நடைபெற்ற இரண்டாவது தகுதிச்சுற்றுப் போட்டியில் கொல்கத்தா அணி வெற்றி பெற்று சென்னை அணியுடன் இறுதிப் போட்டியில் இன்று மோத இருக்கிறது. அதன்படி இன்று துபாய் மைதானத்தில் நடைபெற இருக்கும் இந்த இறுதிப் போட்டியானது இரவு 7.30 மணிக்கு தொடங்க உள்ளது.
கடந்த ஆண்டு ஐக்கிய அரபு அமீரகத்தில் நடைபெற்ற ஐபிஎல் தொடரில் முதல் அணியாக வெளியேறிய சிஎஸ்கே அணி இம்முறை கேப்டன் தோனிக்காக கோப்பையை கைப்பற்றியே ஆகவேண்டும் என்ற உத்வேகத்துடன் விளையாடி வருகிறது. அதே வேளையில் இயான் மோர்கன் தலைமையிலான கொல்கத்தா அணியை இரண்டாவது பாதியில் இருந்து அட்டகாசமான ஆட்டத்தை வெளிப்படுத்தி வருகிறது.
இதன் காரணமாக இன்று எந்த அணி வெற்றி பெற்று சாம்பியன் பட்டத்தை கைப்பற்ற போகிறார்கள்? என்ற எதிர்பார்ப்பு அதிகரித்துள்ளது. மேலும் இரு அணியிலும் விளையாடும் பிளேயிங் லெவர் யார் யார் என்ற எதிர்பார்ப்புகள் உள்ளன.
ஏனெனில் இன்னும் சுரேஷ் ரெய்னாவிற்கு ஏற்பட்ட காயத்தின் தன்மை சிஎஸ்கே நிர்வாகம் சார்பில் முழுவதுமாக விளக்கப்படவில்லை என்பதன் காரணமாகவும், முதலாவது தகுதிச்சுற்று போட்டியில் உத்தப்பா அட்டகாசமான ஆட்டத்தை வெளிப்படுத்தியதன் காரணமாகவும் இன்றைய இறுதிப்போட்டியில் ரெய்னாவிற்கு பதிலாக உத்தப்பாவே விளையாடுவார் என்று தெரிகிறது.
கொல்கத்தா அணியில் ஆண்ட்ரே ரஸ்ஸல் காயத்திலிருந்து மீண்டுள்ளதால் அவர் நிச்சயம் அணியில் இடம்பெறுவார் என்ற எதிர்பார்ப்புகள் அதிகரித்துள்ளது.
இப்போட்டிக்கான உத்தேச அணி
சென்னை சூப்பர் கிங்ஸ் - ருதுராஜ் கெய்க்வாட், ஃபாஃப் டு பிளெசிஸ், மொயீன் அலி, ராபின் உத்தப்பா, அம்பதி ராயுடு, எம்எஸ் தோனி (கே), ரவீந்திர ஜடேஜா, டுவைன் பிராவோ, ஷர்துல் தாக்கூர், தீபக் சாஹர், ஜோஷ் ஹேசில்வுட்.
Also Read: இந்திய அணியின் இங்கிலாந்து சுற்றுப்பயணம், 2021
கொல்கத்தா நைட் ரைடர்ஸ் - சுப்மன் கில், வெங்கடேஷ் ஐயர், ராகுல் திரிபாதி, நிதிஷ் ராணா, ஈயான் மோர்கன் (கே), தினேஷ் கார்த்திக், சுனில் நரைன், ஷாகிப் அல் ஹசன், லோக்கி ஃபர்குசன், சிவம் மாவி, வருண் சக்கரவர்த்தி.