இந்தியா - ஆஸ்திரேலியா அணிகள் உலக டெஸ்ட் சாம்பியன்ஷிப் தொடரின் இறுதி போட்டி ஏழாம் தேதி இங்கிலாந்தின் லண்டன் நகரில் உள்ள ஓவல் மைதானத்தில் வைத்து நடைபெற இருக்கிறது .இந்தப் போட்டியில் வெற்றி பெறுவதற்காக இந்தியா மற்றும் ஆஸ்திரேலியா அணிகள் தீவிரமாக பயிற்சியில் ஈடுபட்டு வருகின்றன . சமீபகாலமாக டெஸ்ட் தொடரில் சரியான ஆட்டங்களை வெளிப்படுத்தாத ஆஸ்திரேலிய அணியின் தொடக்க வீரர் டேவிட் வார்னர் இந்த வரலாற்று சிறப்புமிக்க இறுதிப்போட்டியிலும் பங்கே இருக்கிறார் என்பது குறிப்பிடத்தக்கது .
சமீபகாலமாகவே அவரது டெஸ்ட் ஃபார்ம் மிகவும் மோசமாக இருந்து வருகிறது . இந்தியா அணிக்கு எதிராக இந்தாண்டு இரண்டு டெஸ்ட் போட்டிகளில் மட்டுமே விளையாடிய அவர் ஒரு அரை சதம் கூட எடுக்கவில்லை என்பது குறிப்பிடத்தக்கது . ஆனால் அதற்குப் பின்பு நடைபெற்ற ஐபிஎல் தொடரில் டெல்லி அணிக்காக மிகச் சிறப்பாக விளையாடினார் . இதனைத் தொடர்ந்து டெஸ்ட் போட்டிகளில் இருந்து ஓய்வை அறிவிப்பதற்கான முடிவை எடுத்திருக்கிறார் டேவிட் வார்னர் .
அதன்படி, பாகிஸ்தான் மற்றும் ஆஸ்திரேலியா அணிகளுக்கு இடையே நடைபெறும் டெஸ்ட் போட்டி தொடருடன் ஓய்வு பெற இருப்பதாக அறிவித்திருக்கிறார் . அந்தப் போட்டி வருகின்ற அக்டோபர் மாதம் நடைபெறுகிறது என்பது குறிப்பிடத்தக்கது . மேலும் அதனைத் தொடர்ந்து நடைபெறும் வெஸ்ட் இண்டீஸுக்கு எதிரான டெஸ்ட் போட்டி தொடரில் பங்கேற்க மாட்டேன் எனவும் அறிவித்துள்ளார் வார்னர் .
இது குறித்து பேசிய அவர், “பாகிஸ்தான் அணியுடன் ஆஸ்திரேலியாவில் நடைபெறும் டெஸ்ட் போட்டி தொடர் தான் என்னுடைய டெஸ்ட் கிரிக்கெட் வாழ்க்கையில் கடைசி டெஸ்ட் தொடர் . அந்தத் டெஸ்ட் தொடரோடு என்னுடைய டெஸ்ட் வாழ்க்கையை முடித்துக் கொள்ள இருக்கிறேன். உலக டெஸ்ட் சாம்பியன்ஷிப் இறுதிப் போட்டியிலும் ஆஷஸ் தொடரிலும் சிறப்பான ஆட்டத்தை வெளிப்படுத்தி நிறைய ரன்களை குவித்து பாகிஸ்தான் அணிக்கு எதிரான டெஸ்ட் தொடரோடு டெஸ்ட் கிரிக்கெட்டில் இருந்து ஓய்வு பெற இருக்கிறேன்” என்று தெரிவித்துள்ளார்.
2011 ஆம் ஆண்டு நியூசிலாந்து அணிக்கு எதிராக டெஸ்ட் தொடரில் அறிமுகமான டேவிட் வார்னர் இதுவரை 103 டெஸ்ட் போட்டிகளில் விளையாடி 8158 ரண்களை எடுத்து இருக்கிறார். இவரது அதிகபட்ச ஸ்கோர் 335 ஆகும் . இது பாகிஸ்தான் அணிக்கு எதிராக அடிக்கப்பட்டது . மேலும் டெஸ்ட் போட்டிகளில் 34 அரை சதங்களும் 25 சதங்களும் எடுத்திருக்கிறார் என்பது குறிப்பிடத்தக்கது . இவரது சராசரி 45.57 ஆகும் . தனது கிரிக்கெட் வாழ்வின் ஆரம்ப காலகட்டங்களில் வெள்ளைப் பந்து போட்டிக்கு ஸ்பெஷலிஸ்ட் ஆக பார்க்கப்பட்ட இவர் டெஸ்ட் போட்டிகளில் சிறப்பாக விளையாடி தன்னை நிரூபித்தார் என்பது குறிப்பிடத்தக்கது .
டெஸ்ட் போட்டிகளில் இருந்து ஓய்வு பெறுவதைத் தொடர்ந்து 2024 ஆம் ஆண்டின் டி20 உலக கோப்பைக்கு பிறகு அனைத்து வடிவ கிரிக்கெட்டில் இருந்தும் ஓய்வு பெற இருப்பதாக அறிவித்திருக்கிறார் . இந்த வருடம் அக்டோபர் மற்றும் நவம்பர் மாதங்களில் 50 ஓவர் உலகக் கோப்பை இந்தியாவில் வைத்து நடைபெற இருக்கிறது என்பது குறிப்பிடத்தக்கது . மேற்கிந்திய தீவுகள் மற்றும் அமெரிக்காவில் வைத்து நடைபெறும் 2024 ஆம் ஆண்டின் டி20 உலக கோப்பையோடு தனது சர்வதேச கிரிக்கெட் வால்வை முடித்துக் கொள்ள இருக்கிறார் டேவிட் வார்னர்