நியூசிலாந்து டெஸ்ட் தொடருக்கான இங்கிலாந்து அணி அறிவிப்பு!

நியூசிலாந்து அணி இங்கிலாந்தில் சுற்றுப்பயணம் செய்து 3 டெஸ்ட்  போட்டிகள் கொண்ட தொடரில் ஆடுகிறது. ஜூன் 2 முதல் 27 வரை இந்த டெஸ்ட் போட்டிகள் நடக்கின்றன.

இந்த டெஸ்ட் தொடரின் முதல் 2 டெஸ்ட் போட்டிகளுக்கான, பென் ஸ்டோக்ஸ் தலைமையிலான 13 வீரர்களை கொண்ட இங்கிலாந்து அணி அறிவிக்கப்பட்டுள்ளது.

ஜோ ரூட்டின் கேப்டன்சியில் இங்கிலாந்து அணி தொடர் தோல்விகளை சந்தித்து வந்ததன் விளைவாக, ரூட் கேப்டன்சியிலிருந்து விலக, பென் ஸ்டோக்ஸ் டெஸ்ட் கேப்டனாக ஏற்கனவே அறிவிக்கப்பட்டிருந்தார். இந்நிலையில், ஸ்டோக்ஸ் தலைமையிலான டெஸ்ட் அணி அறிவிக்கப்பட்டுள்ளது.

இந்த டெஸ்ட் தொடரிலிருந்து இங்கிலாந்து டெஸ்ட் அணியின் தலைமை பயிற்சியாளராக நியூசிலாந்து முன்னாள் ஜாம்பவான் பிரண்டன் மெக்கல்லம் செயல்படவுள்ளார்.

அதேபோல் இங்கிலாந்து அணியின் நட்சத்திர வேகப்பந்துவீச்சாளர்களான ஜேம்ஸ் ஆண்டர்சன், ஸ்டூவர்ட் பிராட் ஆகியோர் மீண்டும் இங்கிலாந்து டெஸ்ட் அணியில் இடம்பிடித்துள்ளனர்.

இங்கிலாந்து டெஸ்ட் அணி: பென் ஸ்டோக்ஸ் (கேப்டன்), ஜோ ரூட், ஜேம்ஸ் ஆண்டர்சன், ஜானி பேர்ஸ்டோ, ஸ்டூவர்ட் பிராட், ஹாரி ப்ரூக், ஜாக் க்ராவ்லி, பென் ஃபோக்ஸ், ஜாக் லீச், அலெக்ஸ் லீஸ், க்ரைக் ஓவர்டன், ஆலி போப், மேத்யூ பாட்ஸ்.