CT2025: கோப்பையை மீண்டும் கைப்பற்ற ஒவ்வொரு வீரரும் உறுதியுடன் உள்ளனர் - ஹர்திக் பாண்டியா!

ஐசிசி சாம்பியன்ஸ் கோப்பை கிரிக்கெட் தொடர் பாகிஸ்தான் மற்றும் ஐக்கிய அரபு அமீரகத்தில் பிப்ரவரி 19ஆம் தேதி தொடங்கி மார்ச் 9ஆம் தேதி வரை நடைபெறவுள்ளது. புள்ளிப்பட்டியளின் டாப் 8 இடங்களைப் பிடிக்கும் அணிகள் நேருக்கு நேர் பலப்பரீட்சை நடத்தவுள்ளதால் இத்தொடரின் மீதான எதிர்பார்ப்புகளும் ரசிகர்கள் மாத்தியில் அதிகரித்துள்ளன. 

இந்நிலையில் இத்தொடரில் பங்கேற்கும் இந்திய அணி சமீபத்தில்அறிவிக்கப்பட்டது. இதில் அணியின் கேப்டனாக ரோஹித் சரமா நீடிக்கும் நிலையில், அணியின் துணைக்கேப்டனாக ஷுப்மன் கில் நியமிக்கப்பட்டுள்ளார். இந்த அணியில் பெரிதும் எதிர்பார்க்கப்பட்ட சஞ்சு சாம்சன், கருண் நாயர், வருண் சக்ர்வர்த்தி, யுஸ்வேந்திர சஹால் உள்ளிட்ட வீரர்களுக்கு வாய்ப்பு வழங்கப்படவில்லை. 

இந்நிலையில் எட்டு அணிகள் பங்கேற்கும் இந்த தொடரில் தங்கள் அணி வீரர்கள் தனித்துவமான கிரிக்கெட்டை வெளிப்படுத்தி சாம்பியன்ஸ் கோப்பையை மீண்டும் வீட்டிற்கு கொண்டு வர உறுதிபூண்டுள்ளதாக இந்திய அணி வீரர் ஹர்திக் பாண்டியா தெரிவித்துள்ளார். இதுகுறித்து பேசிய அவர், “ஐசிசி ஆடவர் சாம்பியன்ஸ் கோப்பை தொடர் மீண்டும் வருவது கிரிக்கெட்டுக்கு ஒரு குறிப்பிடத்தக்க ஊக்கத்தை அளிக்கிறது, இது ஒருநாள் வடிவத்திற்கு ஆழத்தையும் சூழலையும் சேர்க்கிறது.

இந்த சின்னமான போட்டி ரசிகர்கள் மற்றும் வீரர்கள் மத்தியில் மீண்டும் உற்சாகத்தைத் தூண்டும் என்று உறுதியளிக்கிறது. ஒவ்வொரு வீரரும் கோப்பையை மீண்டும் வீட்டிற்கு கொண்டு வர உறுதிபூண்டுள்ள நிலையில், இந்தியா தனது தனித்துவமான கிரிக்கெட் பிராண்டை வெளிப்படுத்த தயாராக உள்ளது” என்று தெரிவித்துள்ளார். இரண்டு முறை சாம்பியன்ஸ் கோப்பையை வென்றுள்ள இந்திய அணி மூன்றாவது முறையும் பட்டம் வென்று சாதிக்குமா என்ற எதிர்பார்ப்பு அதிகரித்துள்ளது. 

அந்தவகையில் 2025ஆம் ஆண்டுக்கான சாம்பியன்ஸ் கோப்பை கிரிக்கெட் தொடரில் குரூப் ஏ பிரிவில் இடம்பிடித்துள்ள இந்திய அணி, தனது முதல் லீக் போட்டியை பிப்ரவரி 20 ஆம் தேதி துபாயில் பங்களாதேஷுக்கு எதிராக விளையாடவுள்ளது. அதன்பின் ரசிகர்கள் பெரிதும் எதிர்பார்த்து காத்திருக்கும் இந்தியா - பாகிஸ்தான் அணிகளுக்கு இடையேயான போட்டி பிப்ரவரி 23 ஆம் தேதியும், அதன்பின் மார்ச் 2 ஆம் தேதி நியூசிலாந்தையும் இந்திய அணி எதிர்கொள்ளவுள்ளது. 

Also Read: Funding To Save Test Cricket

சாம்பியன்ஸ் கோப்பை தொடருக்கான இந்திய அணி: ரோஹித் சர்மா (கேப்டன்), ஷுப்மான் கில், விராட் கோலி, ஸ்ரேயாஸ் ஐயர், கேஎல் ராகுல், ஹார்டிக் பாண்டியா, அக்ஸர் படேல், வாஷிங்டன் சுந்தர், குல்தீப் யாதவ், ஜஸ்பிரித் பும்ரா, முகமது ஷமி, அர்ஷ்தீப் சிங், யஷஸ்வி ஜெய்ஸ்வால், ரிஷப் பந்த், ரவீந்திர ஜடேஜா, ஹர்ஷித் ராணா (இங்கிலாந்து தொடரில் மட்டும்).