டி20 கிரிக்கெட்டில் புதிய மைல்கல்லை எட்டிய கிளென் மேக்ஸ்வெல்!

ஆஸ்திரேலியாவில் சுற்றுப்பயணம் மேற்கொண்டுள்ள பாகிஸ்தான் அணி தற்சமயம் 3 போட்டிகள் கொண்ட டி20 தொடரில் விளையாடி வருகிறது. இதில் இரு அணிகளுக்கும் இடையேயான முதல் டி20 போட்டி பிரிஸ்பேனில் உள்ள கபா கிரிக்கெட் மைதானத்தில் நேற்று நடைபெற்றது. மழை காரணமாக போட்டி தொடங்குவதில் தாமதம் ஏற்பட்டது. இதனால இப்போட்டி 7 ஓவர்களாக குறைக்கப்பட்டு நடத்தப்பட்டது.

இப்போட்டியில் டாஸ் வென்ற பாகிஸ்தான் அணி பந்துவீச்சை தேர்வு செய்தது. அதன்படி முதலில் பேட்டிங் செய்த ஆஸ்திரேலியா அணி கிளென் மேக்ஸ்வெல்லின் அதிரடியான ஆட்டத்தின் மூலம் 7 ஓவர்கள் முடிவில் 4 விக்கெட் இழப்பிற்கு 93 ரன்களை குவித்தது. இதில் அதிகபட்சமாக மேக்ஸ்வெல் 19 பந்துகளில் 43 ரன்களை குவித்தார். இதனையடுத்து, 94 ரன்கள் என்ற இலக்கை நோக்கி களமிறங்கிய பாகிஸ்தான் அணி 7 ஓவர்கள் முடிவில் 9 விக்கெட் இழப்பிற்கு 64 ரன்களை மட்டுமே எடுத்து.

இதன்மூலம் ஆஸ்திரேலிய அணி 29 ரன்கள் வித்தியாசத்தில் பாகிஸ்தானை வீழ்த்தி அபார வெற்றியைப் பதிவுசெய்து அசத்தியது. இந்த வெற்றியின் மூலம் 3 போட்டிகள் கொண்ட டி20 தொடரில் 1 - 0 என்ற கணக்கில் ஆஸ்திரேலியா முன்னிலை பெற்றுள்ளது. மேலும் இப்போட்டியில் அதிரடியான ஆட்டத்தை வெளிப்படுத்திய கிளென் மேக்ஸ்வெல் இப்போட்டியின் ஆட்டநாயகனாக தேர்வு செய்யப்பட்டார். 

இந்நிலையில் இப்போட்டியில் ஆஸ்திரேலிய அணியின் ஆல்-ரவுண்டரான கிளென் மேக்ஸ்வெல் டி20 கிரிக்கெட்டில் 10,000 ரன்கள் என மைல் கல்லை எட்டியுள்ளார். இதன்மூலம் இந்த சாதனையை படைத்த மூன்றாவது ஆஸ்திரேலிய வீரர் மற்றும் சர்வதேச அளவில் 16ஆவது வீரர் எனும் பெருமையையும் பெற்றுள்ளர். அந்தவகையில் இதுவரை 448 போட்டிகளில் விளையாடியுள்ள மேக்ஸ்வெல் 7 சதங்கள், 54 அரைசதங்கள் என மொத்தமாக 10,031 ரன்களை எடுத்துள்ளார்.

Also Read: Funding To Save Test Cricket

முன்னதாக ஆஸ்திரேலிய அணி தரப்பில் முன்னாள் தொடக்க வீரர்களான டேவிட் வார்னர் (12,411 ரன்), ஆரோன் பின்ச் (11,458 ரன்கள்) ஆகியோர் இந்த சாதனையைப் படைத்துள்ளனர். அதேசமயம் உலகளவில் டி20 கிரிக்கெட்டில் அதிக ரன்களை அடித்த வீரர் பட்டியலில் 14562 ரன்களைக் குவித்து வெஸ்ட் இண்டீஸ் ஜாம்பவான் முதலிடத்தில் தொடரும் நிலையில், பாகிஸ்தானின் முன்னாள் வீரர் சோயப் மாலிக் 13360 ரன்களுடன் இரண்டாம் இடத்தில் உள்ளார்.