பார்டர் கவாஸ்கர் தொடரில் இருந்து விலகும் கேமரூன் கிரீன்?

ஆஸ்திரேலிய அணி சமீபத்தில் இங்கிலாந்தில் சுற்றுப்பயணம் செய்து 3 போட்டிகள் கொண்ட டி20 தொடரிலும், 5 போட்டிகள் கொண்ட ஒருநாள் தொடரிலும் விளையாடியது. இதில் டி20 தொடரை இரு அணிகளும் 1-1 என்ற கணக்கில் சமன்செய்த நிலையில், ஒருநாள் தொடர ஆஸ்திரேலிய அணி 3-0 என்ற கணக்கில் கைப்பற்றி அசத்தியது. 

இந்நிலையில் இங்கிலாந்து அணிக்கு எதிரான மூன்றாவது ஒருநாள் போட்டியின் போது ஆஸ்திரேலியா அணியின் ஆல் ரவுண்டர் கேமரூன் கிரீன் முதுகு பகுதியில் காயத்தை சந்தித்தார். இதையடுத்து அவருக்கு மேற்கொள்ளபட்ட ஸ்கேன் பரிசோதனை முடிவில் அவரது காயம் தீவிரமடைந்துள்ளதைத் தொடர்ந்து, இங்கிலாந்துக்கு எதிரான ஒருநாள் தொடரில் இருந்து கேமரூன் கிரீன் விலகியதாக ஆஸ்திரேலிய கிரிக்கெட் வாரியம் அறிவித்தது.

மேற்கொண்டு காயத்தால் அவதிப்பட்டு வரும் கேமரூன் க்ரீன், இந்தாண்டு இறுதியில் நடைபெறும் இந்திய அணிக்கு எதிரான 5 டெஸ்ட் போட்டிகளைக் கொண்ட பார்டர் கவாஸ்கர் கிரிக்கெட் தொடரிலும் விளையாடுவதும் சந்தேகம் தான் என தகவல்கள் வெளியாகின. இந்நிலையில் முதுகு பகுதியில் ஏற்பட்டுள்ள காயம் காரணமாக கேமரூன் கிரீன் அறுவை சிகிச்சை மேற்கொள்ளவுள்ளதாக ஆஸ்திரேலிய கிரிக்கெட் வாரியம் அறிவித்துள்ளது. 

இதுகுறித்து வெளியான தகவலின் அடிப்படையில், “வேகப்பந்து வீச்சாளர்களான ஜேம்ஸ் பாட்டின்சன், ஜேசன் பெஹ்ரென்டார்ஃப் மற்றும் பென் ட்வார்ஷூயிஸ் ஆகியோர் முதுகுத்தண்டில் மேற்கொண்ட மருத்துவ சிகிச்சையை போன்றே கேமரூன் கிரீனும் அறுவை சிகிச்சையை மேற்கொள்வார் என்று எதிர்பார்க்கப்படுகிறது. மேலும் இந்த அறுவை சிகிச்சையானது, முதுகெலும்புகளை ஒன்றாக இணைக்க திருகுகள் மற்றும் டைட்டானியம் கம்பியை உள்ளடக்கியதாகும்.

கேமரூன் கிரீன் இந்த அறுவை சிகிச்சையை மேற்கொள்ளும் பட்சத்தில் அவர் பல மாதங்கல் ஓய்வில் இருக்க வேண்டியா நிலை ஏற்படும்” என்று அத்தகவல் தெரிவிக்கின்றது. இதனால் இந்தியாவுக்கு எதிரான பர்டர் கவாஸ்கர் கோப்பை டெஸ்ட் தொடரில் கேமரூன் கிரீன் விளையாட மாட்டார் என்பது ஏறத்தாழ உறுதியகியுள்ளது. ஒருவேளை கேமரூன் கிரீன் இத்தொடரில் இருந்து விலகும் பட்சத்தில் மிட்செல் மார்ஷ் பந்துவீச வேண்டிய கட்டாயத்திற்கு தள்ளப்படலாம் என்று எதிர்பார்க்கப்படுகிறது. 

Also Read: Funding To Save Test Cricket

அதேசமயம் ஸ்டீவ் ஸ்மித் தனது தொடக்க வீரர் இடத்தை விட்டு, நான்காம் இடத்தில் களமிறங்கக்கூடும். மேற்கொண்டு இளம் தொடக்க வீரருக்கு இத்தொடரில் வாய்ப்பும் கிடைக்க கூடும். ஆஸ்திரேலிய அணிக்காக கடந்த 2020ஆம் ஆண்டு அறிமுகமான கேமரூன் கிரீன் இதுவரை 28 டெஸ்ட் போட்டிகளில் விளையாடி 2 சதம், 6 அரைசதங்களுடன், 1,377 ரன்களையும், பந்துவீச்சில் 35 விக்கெட்டுகளையும் கைப்பற்றியுள்ளார் என்பது குறிப்பிடத்தக்கது.