நியூசிலாந்தில் சுற்றுப்பயணம் மேற்கொண்டு வரும் பாகிஸ்தான் அணி தற்சமயம் 5 போட்டிகள் கொண்ட டி20 தொடரில் விளையாடி வருகிறது. இதில் நடந்து முடிந்த முதலிரண்டு போட்டிகள் முடிவில் நியூசிலாந்து அணி 2-0 என்ற கணக்கில் தொடரில் முன்னிலைப் பெற்றிருந்தது.
இந்நிலையில் இரு அணிகளுக்கும் இடையேயான மூன்ராவது டி20 போட்டி இன்று ஆக்லாந்தில் நடைபெற்றது. இப்போட்டியில் பாகிஸ்தான் அணியின் தொடக்க வீரர் ஹசன் நவாஸ் அபாரமான ஆட்டத்தை வெளிப்படுத்தியதுடன், சர்வதேச டி20 கிரிக்கெட்டில் தனது முதல் சதத்தையும் பதிவுசெய்து அசத்தினார். அதிலும் குறிப்பாக இப்போட்டியில் இறுதிவரை ஆட்டமிழக்காமல் இருந்த அவர் 45 பந்துகளில் 10 பவுண்டரி, 7 சிக்ஸர்கள் என 105 ரன்களை விலாசினார்.
நியூசிலாந்து அணிக்கு எதிரான இந்தத் டி20 தொடரின் முதல் போட்டியில் பாகிஸ்தானுக்காக ஹசன் சர்வதேச அளவில் அறிமுகமானார். அதன்படி இத்தொடரின் முதல் இரண்டு போட்டிகளில் அவர் ஒரு ரன் கூட எடுக்காமல் அடுத்தடுத்து ரன்கள் ஏதுமின்றி விக்கெட்டை இழந்திருந்தார். இப்படியான சூழ்நிலையில் இன்றைய ஆட்டத்தை எதிர்கொண்ட அவர் 44 பந்துகள்ல் சதமடித்து அசத்தி தன்னுடைய திறனை நிரூபித்துள்ளார்.
இநிந்லையில் இப்போட்டியில் சதமடித்து அசத்தில் ஹசன் நவாஸ் தனது பெயரில் வரலாற்று சாதனை ஒன்றையும் பதிவுசெய்துள்ளார். அதன்படி இப்போட்டியில் ஹசன் நவாஸ் 44 பந்துகளில் சதமடித்ததன் மூலம், பாகிஸ்தான் அணிக்காக சர்வதே சடி20 கிரிக்கெட்டில் அதிவேக சதத்தைப் பதிவுசெய்த வீரர் எனும் சதனையைப் படைத்துள்ளார். இதற்கு முன் கடந்த 2021ஆம் ஆண்டு பாபர் ஆசாம் 49 பந்துகளில் சதமடித்ததே சாதனையாக இருந்த நிலையில் அதனை தற்போது ஹசன் நவாஸ் முறியடித்துள்ளார்.
சர்வதேச டி20 போட்டிகளில் பாகிஸ்தானுக்கு அதிவேக சதமடித்த வீரர்கள்
- 44 பந்துகள்- ஹசன் நவாஸ் vs நியூசிலாந்து, ஆக்லாந்து, 2025
- 49 பந்துகள்– பாபர் அசாம் vs தென் aaப்பிரிக்கா, செஞ்சுரியன், 2021
- 58 பந்துகள்- பாபர் அசாம் vs நியூசிலாந்து, லாகூர், 2023
- 58 பந்துகள்- அகமது ஷாசாத் vs வங்கதேசம், டாக்கா, 2014
- 62 பந்துகள்- பாபர் அசாம் vs இங்கிலாந்து, கராச்சி, 2022
இதுதவிர்த்து சர்வதேச டி-20 போட்டியில் (முழு உறுப்பினர் நாடு) இலக்கைத் துரத்தும் போது அதிவேகமாக சதம் அடித்த வீரர்களில் ஹசன் நவாஸ் மூன்றாவது இடத்தைப் பிடித்துள்ளார். இதற்கு முன் இங்கிலாந்து அணியின் லியாம் லிவிங்ஸ்டோன் பாகிஸ்தானுக்கு எதிராக 42 பந்துகளிலும், அவரைத் தொடர்ந்து தென் ஆப்பிரிக்க அணியின் முன்னாள் வீரர் குயின்டன் டி காக் வெஸ்ட் இண்டீஸுக்கு எதிராக 43 பந்துகளிலும் சதமடித்து அசத்தியது குறிப்பிடத்தக்கது.
Also Read: Funding To Save Test Cricket
இப்போட்டி குறித்து பேசினா, டாஸை இழந்து முதலில் பேட்டிங் செய்த நியூசிலனது அணியானது 19.5 ஓவர்களில் அனைத்து விக்கெட்டுகளையும் இழந்து 204 ரன்களுக்கு ஆல் அவுட்டானது. பின்னர் இலக்கை நோக்கி விளையாடிய பாகிச்தான் அணி ஹசன் நவாஸின் அதிரடியான சதத்தின் மூலம் 16 ஓவர்களிலேயே இலக்கை எட்டியதுடன் 9 விக்கெட் வித்தியாசத்தில் நியூசிலாந்து அணியை வீழ்த்தி அசத்தல் வெற்றியைப் பதிவுசெய்து அசத்தியது.