Imran Tahir Record: ஆண்டிகுவா அண்ட் பார்புடா ஃபால்கன்ஸுக்கு எதிரான போட்டியில் கயானா அமேசன் வாரியர்ஸ் அணியின் கேப்டன் இம்ரான் தாஹிர் 5 விக்கெட்டுகளை வீழ்த்தி சாதனை படைத்துள்ளார்.
கரீபியன் பிரீமியர் லீக் தொடரில் இன்று நடைபெற்ற 9ஆவது லீக்போட்டியில், கயானா அமேசான் வாரியர்ஸ் மற்றும் ஆண்டிகுவா அண்ட் பார்புடா ஃபால்கன்ஸ் அணிகள் பலப்பரீட்சை நடத்தின். இப்போட்டியில் டாஸ் வென்று முதலில் பேட்டிங் செய்த கயான அணியி ஷாய் ஹோப் 82 ரன்களையும், ஷிம்ரான் ஹெட்மையர் 65 ரன்களையும் சேர்க்க அந்த அணி 20 ஓவர்கள் முடிவில் 211 ரன்களை எடுத்தது.
அதன்பின் இலக்கை நோக்கி விளையாடிய ஆன்டிகுவா அண்ட் பார்புடா ஃபால்கன்ஸ் அணியால் எதிரணியின் பந்துவீச்சுக்கு ஈடுகொடுக்க முடியாமல் அடுத்தடுத்து விக்கெட்டுகளை இழந்தனர். இதனால் அந்த அணி 15.2 ஓவர்களில் அனைத்து விக்கெட்டுகளையும் இழந்ததுடன் 128 ரன்கள் மட்டுமே எடுத்து ஆல் அவுட் ஆனது. இதன் மூலம், கயானா அணி இந்த போட்டியில் 83 ரன்கள் வித்தியாசத்தில் மிகப்பெரிய வெற்றியைப் பெற்றது.
இந்நிலையில் இப்போட்டியில் கயானா அமேசன் வாரியர்ஸ் அணியின் கேப்டன் இம்ரான் தாஹிர் அபாரமான பந்துவீச்சை வெளிப்படுத்தியதுடன் 5 விக்கெட்டுகளை கைப்பற்றி அசத்தினார். இந்த போட்டியில் ஷகிப் அல் ஹசன் (08), இமாத் வாசிம் (00), ஷமர் ஸ்பிரிங்கர் (03), ஒசாமா மிர் (01), மற்றும் ஒபேட் மெக்காய் (0) ஆகியோரின் விக்கெட்டுகளை இம்ரான் தாஹிர் கைப்பற்றி தனது 5 விக்கெட்டுகளை கைப்பற்றி அசத்தினார்.
இதன் மூலம், டி20 கிரிக்கெட்டில் அதிகபட்சமாக 5 விக்கெட்டுகளை வீழ்த்திய இரண்டாவது பந்து வீச்சாளர் என்ற பெருமையை இம்ரான் தாஹிர் பெற்றுள்ளார். டி20 கிரிக்கெட்டில் ஐந்து முறை இந்த சாதனையை நிகழ்த்தியதன் மூலம், இந்த சிறப்பு சாதனை பட்டியலில் சிறந்த பந்து வீச்சாளர்களான லசித் மலிங்கா, ஷாகிப் அல் ஹசன், புவனேஷ்வர் குமார் மற்றும் ஷாஹீன் அஃப்ரிடி ஆகியோரை சமன் செய்துள்ளார்.
இதற்கு முன் இவர்கள் அனைவரும் டி20 கிரிக்கெட்டில் தலா ஐந்து முறை 5 விக்கெட்டுகளை வீழ்த்தியுள்ளனர் என்பது குறிப்பிடத்தக்கது. இந்த சிறப்பு சாதனை பட்டியலில் முதலிடத்தில் டேவிட் விஜே உள்ளார். அவர் டி20 கிரிக்கெட்டில் இதுவரை 7 முறை ஐந்து விக்கெட்டுகளை வீழ்த்தியுள்ளார்.
டி20 கிரிக்கெட்டில் அதிக முறை 5 விக்கெட்டுகள் வீழ்த்திய வீரர்கள்
- டேவிட் வீஸ் - 07
- லசித் மலிங்கா - 05
- ஷகிப் அல் ஹசன் - 05
- புவனேஷ்வர் குமார் - 05
- ஷஹீன் ஷா அப்ரிடி - 05
- இம்ரான் தாஹிர் - 05
இரண்டாவது வயதான வீரர்
Also Read: LIVE Cricket Score
இதுதவிர இம்ரான் தாஹிர் இப்போது டி20 போட்டிகளில் ஐந்து விக்கெட்டுகள் வீழ்த்தியதன் மூலம், மிக அதிக வயதுடைய இரண்டாவது வீரர் என்ற பெருமையைப் பெற்றுள்ளார் அவர் 46 வயது 148 நாட்களில் இந்த சாதனையை நிகழ்த்தியுள்ளார். இதற்கு முன்பும், இம்ரான் தாஹிர் இந்த சாதனை பட்டியலில் இரண்டாவது இடத்தில் இருந்தார்.இந்த சாதனை பட்டியலில் குக் தீவுகள் வீரர் டோமகனுட் ரிட்டாவா 46 வயது மற்றும் 299 நாட்களில் ஐந்து விக்கெட்டுகளை வீழ்த்தி முதலிடத்தில் உள்ளார்.