இந்தியா vs ஆஸ்திரேலியா, 4ஆவது டி20 - போட்டி முன்னோட்டம் & ஃபேண்டஸி லெவன் டிப்ஸ்! 

ஆஸ்திரேலியாவுக்கு எதிராக சொந்த மண்ணில் நடைபெற்று வரும் 5 போட்டிகள் கொண்ட டி20 தொடரின் முதல் 2 போட்டிகளில் இந்தியா அடுத்தடுத்த வெற்றிகளை பெற்றது. ஆனால் 3வது போட்டியில் வெற்றி பெற்ற ஆஸ்திரேலியா 2023 உலகக் கோப்பையை வென்ற எங்களுக்கு இதெல்லாம் சாதாரணம் என்பது போல் க்ளன் மேக்ஸ்வெல் அதிரடியால் தொடரை வெல்லும் வாய்ப்பை தக்க வைத்துக் கொண்டது.

இந்த நிலைமையில் 4ஆவது போட்டியில் வென்று இத்தொடரை கைப்பற்ற இந்தியா தயாராகி வருகிறது. அதற்கு பேட்ஸ்மேன்கள் சிறப்பாக விளையாடும் நிலையில் பவுலர்கள் கொஞ்சம் பொறுப்புடன் ரன்களை வள்ளலாக வாரி வழங்காமல் செயல்படுவது அவசியமாகிறது. மறுபுறம் மீண்டும் அதிரடியாக விளையாடி இத்தொடரையும் இந்தியா வெல்லவிடாமல் செய்வதற்கு ஆஸ்திரேலியா தயாராகியுள்ளது. இதனால் நாளை இவ்விரு அணிகளுக்கு இடையே நடைபெறவுள்ள 4ஆவது டி20 போட்டியின் மீதான எதிர்பாப்புகள் அதிகரித்துள்ளன. 

போட்டி தகவல்கள்

• மோதும் அணிகள் - இந்தியா vs ஆஸ்திரேலியா
• இடம் - சாகித் வீர் நாராயணன் சிங் கிரிக்கெட் மைதானம், ராய்ப்பூர்
• நேரம் -  இந்திய நேரப்படி இரவு 7.00 மணி

பிட்ச் ரிப்போர்ட் மற்றும் வானிலை அறிக்கை:

ராய்ப்பூர் நகரில் மழை பெய்வதற்கான வாய்ப்பு 10% மட்டுமே இருப்பதாகவும் வானம் லேசான மேகமூட்டத்துடன் இருக்கும் என்று இந்திய வானிலை மையம் தெரிவிப்பதால் இப்போட்டி முழுமையாக நடைபெறும் என்று நம்பலாம்.

ராய்ப்பூர் மைதானம் இதற்கு முன்பு நடைபெற்ற உள்ளூர் டி20 போட்டிகளில் பேட்டிங், பவுலிங் ஆகிய இரண்டுக்கும் சாதகமாக இருந்துள்ளது. இந்த மைதானத்தில் பவுண்டர்களின் அளவுகள் சற்று பெரிதாக இருக்கும் என்பதால் ஸ்பின்னர்கள் அதிக தாக்கத்தை ஏற்படுத்தி விக்கெட்டுகளை எடுக்கலாம். எனவே இந்த மைதானத்தில் 170 – 200 ரன்களை அடிப்பது வெற்றி பெறுவதற்கான நல்ல ஸ்கோராக இருக்கலாம். இதனால் டாஸ் வெல்லும் கேப்டன் இப்போட்டியில் முதலில் பந்து வீசி பின்னர் சேசிங் செய்ய முயற்சிப்பது வெற்றிக்கு வித்திடலாம். 

நேருக்கு நேர்

• மோதிய போட்டிகள் - 29
• இந்தியா - 17
• ஆஸ்திரேலியா - 11
• முடிவில்லை - 01

ஒளிப்பரப்பு

ஸ்போர்ட்ஸ் 18 மற்றும் கலர்ஸ் சினிப்ளெக்ஸில் இந்த போட்டியை நேரலையில் பார்க்கலாம். மேலும் ஜியோ சினிமா ஆப்பில் லைவ் ஸ்ட்ரீமிங் மூலமும் கண்டுகளிக்கலாம்.

உத்தேச லெவன்:

இந்தியா: யஷஸ்வி ஜெய்ஸ்வால், ருதுராஜ் கெய்க்வாட், இஷான் கிஷன், ஸ்ரேயாஸ் ஐயர், சூர்யகுமார் யாதவ், ரிங்கு சிங், அக்சர் படேல், தீபக் சாஹர், ரவி பிஷ்னோய், அர்ஷ்தீப் சிங், முகேஷ் குமார்.

ஆஸ்திரேலியா: மேத்யூ ஷார்ட், டிராவிஸ் ஹெட், பென் மெக்டெர்மாட், டிம் டேவிட், ஆரோன் ஹார்டி, மேத்யூ வேட் (கே), கிறிஸ் கிரீன், ஜேசன் பெஹ்ரன்டோர்ஃப், நாதன் எல்லிஸ், தன்வீர் சங்கா, கேன் ரிச்சர்ட்சன்.

ஃபேண்டஸி லெவன் டிப்ஸ்

• விக்கெட் கீப்பர் - மேத்யூ வேட், இஷான் கிஷன்
• பேட்ஸ்மேன்கள்- சூர்யகுமார் யாதவ், டிராவிஸ் ஹெட், ஸ்ரேயாஸ் ஐயர், ருதுராஜ் கெய்க்வாட் (கேப்டன்), யஷஸ்வி ஜெய்ஸ்வால், ரிங்கு சிங்
• ஆல்ரவுண்டர் - ஆரோன் ஹார்டி (துணை கேப்டன்)
• பந்துவீச்சாளர்கள்- ரவி பிஷ்னோய், ஜேசன் பெஹ்ரன்டோர்ஃப்

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.