ஐசிசி டி20 உலகக்கோப்பை 2024: வங்கதேசத்தை வீழ்த்தி அரையிறுதிக்கு முன்னேறுமா இந்தியா?

அமெரிக்கா மற்றும் வெஸ்ட் இண்டீஸில் நடைபெற்று வரும் ஐசிசி ஆடவர் டி20 உலகக்கோப்பை  கிரிக்கெட் தொடரானது அடுத்த கட்டத்தை எட்டியுள்ளது. இத்தொடரின் சூப்பர் 8 சுற்று போட்டிகள் தொடங்கி நடைபெற்று வரும் நிலையில், இதிலிருந்து எந்த நான்கு அணிகள் அரையிறுதிச்சுற்றுக்கு முன்னேறும் என்ற எதிர்பார்ப்புகள் அதிகரித்துள்ளன. அந்தவகையில் இத்தொடரில் இன்று நடைபெறும் சூப்பர் 8 சுற்று ஆட்டத்தில் முன்னாள் சாம்பியன்  இந்திய அணியை எதிர்த்து, வங்கதேச அணி பலப்பரீட்சை நடத்தவுள்ளது. இவ்விரு அணிகளிலும் அதிரடியான வீரர்கள் நிறைந்துள்ளதால் இப்போட்டியில் எந்த அணி வெற்றிபெறும் என்ற எதிர்பார்ப்பும் ஆர்வமும் ரசிகர்கள் மத்தியில் அதிகரித்துள்ளன. இந்நிலையில் இவ்விரு அணிகளின் உத்தேச லெவன் மற்றும் இப்போட்டிகான ஃபேண்டஸி லெவன் குறித்து இப்பதிவில் பார்ப்போம்.

இந்தியா அணி

ரோஹித் சர்மா தலைமையிலான  இந்திய அணியானது நடப்பு  டி20 உலகக்கோப்பை  கிரிக்கெட் தொடரின் லீக் போட்டியில் சிறப்பான ஆட்டத்தை வெளிப்படுத்தியதுடன், நான்கு போட்டிகளில் மூன்று வெற்றிகளைப் பதிவுசெய்து, தோல்வியையே தழுவாமல் சூப்பர் 8 சுற்றுக்கு முன்னேறி அசத்தியுள்ளது. மேலும் ஆஃப்கானிஸ்தான் அணிக்கு எதிரான சூப்பர் 8 சுற்று ஆட்டத்தில் இந்திய அணி அபார வெற்றியைப் பதிவுசெய்து அடுத்த சுற்றுக்கு முன்னேறும் முயற்சியில் இறங்கியுள்ளது. இருப்பினும் இந்தியை அணியின் பேட்டிங்கைப் பொறுத்தவரையில் நடப்பு உலகக்கோப்பை தொடர் கெட்ட கனவாகவே அமைந்துள்ளது.

எனெனில் இந்திய அணிக்கான லீக் போட்டிகள் அனைத்து அமெரிக்காவில் நடைபெற்ற காரணத்தால் பேட்டிங் வரிசையானது சிறப்பாக செயல்படாமல் தடுமாறியுள்ளது. இருப்பினும் ரோஹித் சர்மா, விராட் கோலி, ரிஷப் பந்த், சூர்யகுமார் யாதவ், ஹர்திக் பாண்டியா உள்ளிட்ட வீரர்கள் இருப்பது அணியின் பேட்டிங் வலிமையைக் கட்டுக்கிறது.  மறுபக்கம் பந்துவீச்சை பொறுத்தவரையில் ஜஸ்பிரித் பும்ரா, அர்ஷ்தீப் சிங், ஹர்திக் பாண்டியா ஆகியோர் சிறப்பான ஆட்டத்தை வெளிப்படுத்தி வருகின்றனர். இதனால் இந்த அணி இந்த போட்டியிலும் வெற்றிபெற்று அரையிறுதி சுற்றுக்கு முன்னேறும் என எதிர்பார்க்கப்படுகிறது.

இந்தியா உத்தேச லெவன்: ரோஹித் சர்மா (கேப்டன்), விராட் கோலி, ரிஷப் பந்த், சூர்யகுமார் யாதவ், ஷிவம் துபே, ஹர்திக் பாண்டியா, ரவீந்திர ஜடேஜா, அக்ஸர் படேல், குல்தீப் யாதவ், அர்ஷ்தீப் சிங், ஜஸ்பிரித் பும்ரா.

வங்கதேச அணி

நஜ்முல் ஹொசைன் சாண்டோ தலைமையிலான வங்கதேச அணியானது தட்டுத்தடுமாறி சூப்பர் 8 சுற்றுக்கு முன்னேறியுள்ளது. மேற்கொண்டு சூப்பர் 8 சுற்றில் தங்களுடைய முதல் போட்டியிலேயே ஆஸ்திரேலிய அணியிடம் தோல்வியைத் தழுவி, அரையிறுதிச்சுற்றுக்கு முன்னேறும் வாய்ப்பை கடினமாக்கியுள்ளது. வங்கதேச அணியை பொறுத்தமட்டில், நடப்பு உலகக் கோப்பையில் பேட்டிங் மற்றும் பந்துவீச்சில் ஓரளவிற்கு சுமாராகவே செயல்பட்டு வருகிறது.

அதேநேரம் இந்தியாவுடன் பல போட்டிகளில் விளையாடிய அனுபவம் இன்றைய போட்டியில் அவர்களுக்கு உதவும் என எதிர்பார்க்கப்படுகிறது. அணியின் பேட்டிங்கில் தாவ்ஹித் ஹிரிடோய், மஹ்முதுல்லா, ஷாகிப் அல் ஹசனை தாண்டி மற்ற வீரர்கள் சோபிக்க வேண்டிய கட்டாயத்தில் உள்ளனர். பந்துவீச்சைப் பொறுத்த மட்டில் முஸ்தஃபிசூர் ரஹ்மான், தஸ்கின் அஹ்மத், ரிஷாத் ஹொசைன் ஆகியோர் இருப்பது அணிக்கு பலமாக பார்க்கப்படுகிறது.

வங்கதேசம் உத்தேச லெவன்: தன்ஸித் ஹசன், லிட்டன் தாஸ், நஸ்முல் ஹுசைன் சாண்டோ (கேப்டன்), ரிஷாத் ஹுசைன், தாவ்ஹித் ஹிரிடோய், ஷாகிப் அல் ஹசன், மஹ்முதுல்லா ரியாத், மெஹ்தி ஹசன், தஸ்கின் அகமது, தன்சீம் ஹசன் ஷகிப், முஸ்தஃபிசூர் ரஹ்மான்.

IND vs BAN T20 World Cup Dream11 Team

• விக்கெட் கீப்பர் - ரிஷப் பந்த், லிட்டன் தாஸ்
• பேட்ஸ்மேன்கள் - விராட் கோலி (துணை கேப்டன்), சூர்யகுமார் யாதவ், தாவ்ஹித் ஹிரிடோய்
• ஆல்ரவுண்டர் - ஷகிப் அல் ஹசன், ஹர்திக் பாண்டியா, ரிஷாத் உசேன்
• பந்துவீச்சாளர்கள் - ஜஸ்பிரித் பும்ரா (கேப்டன்), குல்தீப் யாதவ், அர்ஷ்தீப் சிங்.