இந்தியா vs நியூசிலாந்து, இரண்டாவது டெஸ்ட் போட்டிக்கான பிட்ச் ரிப்போர்ட்!

இந்தியாவில் சுற்றுப்பயணம் செய்துவரும் நியூசிலாந்து அணியானது மூன்று போட்டிகள் கொண்ட டெஸ்ட் தொடரில் விளையாடி வருகிறது. இத்தொடரின் முதல் டெஸ்ட் போட்டியானது பெங்களூருவில் உள்ள எம் சின்னசாமி கிரிக்கெட் மைதானத்தில் நடந்து முடிந்துள்ளது. இப்போட்டியில் நியூசிலாந்து அணி 8 விக்கெட் வித்தியாசத்தில் வெற்றிபெற்று அசத்தியதுடன், 1-0 என்ற கணக்கில் தொடரிலும் முன்னிலைப் பெற்றுள்ளது.

இதனைத்தொடர்ந்து இந்தியா - நியூசிலாந்து அணிகளுக்கு இடையேயான இரண்டாவது டெஸ்ட் போட்டி புனேவில் அக்டோபர் 24ஆம் தேதி நடைபெறவுள்ளது. இப்போட்டியில் இந்திய அணி வெற்றிபெறும் பட்சத்தில் டெஸ்ட் தொடரை சமன்செய்யும். அதேசமயம் நியூசிலாந்து அணி இப்போட்டியில் வெற்றிபெற்றால் டெஸ்ட் தொடரை கைப்பற்று. இதனால் இப்போட்டிக்காக இரு அணி வீரர்களும் தீவிரமாக தயாராகி வருகின்றன.

இந்நிலையில் இப்போட்டி நடைபெறவுள்ள மகாராஷ்டிரா கிரிக்கெட் மைதானத்தின் பிட்ச் ரிப்போர்ட் குறித்து இப்பதிவில் பார்ப்போம். புனேவில் உள்ள மகாராஷ்டிரா கிரிக்கெட் சங்க மைதானத்தில் இதுவரை இரண்டு சர்வதேச டெஸ்ட் போட்டிகள் மட்டுமே நடைபெற்றுள்ளன. இந்த இரண்டு போட்டிகளிலும் முதலில் பேட்டிங் செய்த அணியே வெற்றியைப் பதிவுய்செய்து அசத்தியுள்ளன. மேற்கொண்டு இந்த மாஇதானத்தின் முதல் இன்னிங்ஸ் சராசரியானது 430 ரன்களாக உள்ளது.

அதேசமயம் இரண்டாவது இன்னிங்ஸ் சராசவரி 190 ரன்களாகவும், மூன்றாவது இன்னிங்ஸ் சராசரி 237 ரன்களாகவும், நான்காவது இன்னிங்ஸ் சராசரி 237 ரன்களாகவும் உள்ளது. அதனால் இந்த மைதானத்தில் நேரம் செல்ல செல்ல பேட்டிங் செய்வது மிகவும் கடினமான ஒன்றாக பார்க்கப்படுகிறது.  அதேசமயம் இங்கு 2017 ஆம் ஆண்டு ஆஸ்திரேலியா மற்றும் இந்தியா இடையே நடந்த முதல் டெஸ்ட் போட்டியில் இந்திய அணி 333 ரன்கள் வித்தியாசத்தில் அபார வெற்றி பெற்றது.

அதன்பின் 2019 ஆம் ஆண்டு இந்தியா மற்றும் தென் ஆப்பிரிக்கா இடையேயான இரண்டாவது டெஸ்ட் இந்த மைதானத்தில் நடைபெற்றது, இந்த டெஸ்ட் போட்டியில் இந்திய அணியானது இன்னிங்ஸ் மற்றும் 137 ரன்கள் வித்தியாசத்தில் அபார வெற்றியைப் பதிவுசெய்து அசத்தியது. மேலும் இந்த இரண்டு போட்டிகளிலும் சுழற்பந்து வீச்சாளர்களே அதிகளவு தாக்கத்தை ஏற்படுத்தியுள்ளனர். அந்தவகையில் இது இந்திய அணிக்கு மிகப்பெரும் சாதகத்தை ஏற்படுத்தும் என எதிர்பார்க்கப்படுகிறது. 

இந்திய டெஸ்ட் அணி: ரோஹித் சர்மா (கே), ஜஸ்பிரித் பும்ரா, யஷஸ்வி ஜெய்ஸ்வால், ஷுப்மான் கில், விராட் கோலி, கேஎல் ராகுல், சர்ஃப்ராஸ் கான், ரிஷப் பந்த், துருவ் ஜூரல், ரவிச்சந்திரன் அஸ்வின், ரவீந்திர ஜடேஜா, அக்ஸர் படேல், குல்தீப் யாதவ், முகமது. சிராஜ், ஆகாஷ் தீப், வாஷிங்டன் சுந்தர்.

Also Read: Funding To Save Test Cricket

நியூசிலாந்து டெஸ்ட் அணி: டாம் லாதம் (கேப்டன்), டாம் பிளன்டெல், மைக்கேல் பிரேஸ்வெல் (முதல் டெஸ்ட் மட்டும்), மார்க் சாப்மேன், டெவான் கான்வே, மேட் ஹென்றி, டேரில் மிட்செல், வில் ஓ'ரூர்க், அஜாஸ் படேல், கிளென் பிலிப்ஸ், ரச்சின் ரவீந்திரா, மிட்செல் சான்ட்னர், பென் சியர்ஸ், இஷ் சோதி (இரண்டாவது மற்றும் மூன்றாவது டெஸ்ட் மட்டும்), டிம் சௌதீ, கேன் வில்லியம்சன், வில் யங்