இந்தியவில் சுற்றுப்பயணம் செய்து வரும் ஆஸ்திரேலிய கிரிக்கெட் அணி 4 டெஸ்ட் மற்றும் 3 ஒருநாள் போட்டிகள் கொண்ட தொடரில் பங்கேற்றுள்ளது. இதில், இந்தியா – ஆஸ்திரேலியா அணிகள் மோதும் பாா்டா் – காவஸ்கா் டெஸ்ட் தொடர் தற்போது நடந்து வருகிறது. இந்த தொடரில் நாக்பூரில் நடந்த முதலாவது டெஸ்டில் இந்திய அணி இன்னிங்ஸ் மற்றும் 132 ரன்கள் வித்தியாசத்தில் ஆஸ்திரேலியாவை வீழ்த்தியது.
இதைத்தொடர்ந்து டெல்லியில் நடந்த 2-வது டெஸ்டில் 6 விக்கெட்டுகள் வித்தியாசத்தில் இந்தியா வென்றது. பின்னர், இந்தூரில் நடந்த 3வது டெஸ்டில் ஆஸ்திரேலியா 9 விக்கெட்டுகள் வித்தியாசத்தில் உள்ளது. இதனால், தொடரில் இந்தியா 2-1 என்ற கணக்கில் முன்னிலை வகிக்கிறது. இந்நிலையில், இந்தியா – ஆஸ்திரேலியா அணிகளுக்கு இடையிலான 4ஆவது மற்றும் கடைசி டெஸ்ட் போட்டி அகமதாபாத்திலுள்ள நரேந்திர மோடி கிரிக்கெட் மைதானத்தில் நாளை மறுநாள் மார்ச் 9ஆம் தேதி தொடங்குகிறது.
உலக டெஸ்ட் சாம்பியன்ஷிப் போட்டிக்கு முன்னேற இப்போட்டி முக்கியம் வாய்ந்தது என்பதால் இந்திய அணி தீவிரமாக செயல்பட தயாராகி வருகிறது. அதேவேளையில், கடைசிப் போட்டியையும் கைப்பற்றி தொடரை சமன் செய்ய ஆஸ்திரேலியா திட்டமிட்டு வருகிறது. இதனிடையே, போட்டியை காண இந்திய பிரதமர் நரேந்திர மோடியும், ஆஸ்திரேலிய பிரதமர் அந்தோணி அல்பானீசும் வருகை தருகிறார்கள். இதனால், இப்போட்டியின் மீதான எதிர்பார்ப்பு ரசிகர்கள் மத்தியில் எகிறியுள்ளது.
போட்டி தகவல்கள்
- மோதும் அணிகள் - இந்தியா vs ஆஸ்திரேலியா
- இடம் - நரேந்திர மோடி கிரிக்கெட் மைதானம், அகமதாபாத்
- நேரம் - காலை 9.30 மணி (மார்ச் 9)
போட்டி முன்னோட்டம்
ரோஹித் சர்மா தலைமையில் 4ஆவது மற்றும் கடைசி டெஸ்டில் விளையாடும் இந்திய அணி சில மாற்றங்களை செய்யும் என்று எதிர்பார்க்கபடுகிறது. இதில் ஆஸ்திரேலியாவுக்கு எதிரான 2ஆவது மற்றும் 3ஆவது டெஸ்ட் போட்டிகளில் ஓய்வில் இருந்த முகமது ஷமி, 4ஆவது டெஸ்டில் முகமது சிராஜுக்கு பதிலாக அணியில் சேர்க்கப்படலாம். கடந்த ஆண்டில் 3 வடிவ கிரிக்கெட்டிலும் விளையாடிய சிராஜுக்கு பணிச்சுமையைக் குறைக்கலாம்.
இந்தூர் டெஸ்டில் சிறப்பான பந்துவீச்சை வெளிப்படுத்திய உமேஷ் யாதவ், லெவன் அணியில் தனது இடத்தை தக்க வைத்துக் கொள்வார். ஷமி, முதல் இரண்டு டெஸ்டில், ஏழு விக்கெட்டுகளை வீழ்த்தி இருந்தார். எனவே, வேகப்பந்துவீச்சு வரிசையை ஷமி வழிநடத்துவார். கே.எஸ்.பாரத் மூன்று டெஸ்ட்களிலும் சிறப்பான விக்கெட் கீப்பிங் செய்தார். ரேங்க் டர்னர்களில் அவர் ஓரிரு கேட்சுகளை கைவிட்டாலும், 100 சதவீதம் கேட்சுகளை பிடிப்பது என்பது கடினமான ஒன்றுதான்.
எனினும், பாரத் பேட்டிங்கில் மெச்சும் படியான ஆட்டத்தை வெளிப்படுத்தவில்லை. அவர் தனது பேட்டிங் திறனை வெளிப்படுத்த நல்ல நல்ல வாய்ப்புகள் கிடைத்த போதும் அதை தவற விட்டார். டெல்லியில் கேமியோ ரோல் செய்த அவர் தொடர்ந்து தாக்குப்பிடித்து விளையாட போராடினார். இருப்பினும், பெரும்பாலான இந்திய டாப் ஆடர் பேட்டர்கள் போராடியதால், பாரத் அவரது பேட்டிங்கிற்காக அவரை மதிப்பிடுவது கடினமாக இருக்கும்.
மறுபுறம், இஷான் கிஷன் இனி ரிஷப் பந்த் மாற்றாக இருக்கலாம். மற்றொரு ரேங்க்-டர்னர் இருந்தால், இஷான் தனது விரைவு கேமியோ மூலம் விளையாட்டின் காட்சியை மாற்றுவதற்கு ஒரு சிறந்த பேட்டராக இருப்பார். ஜார்கண்ட் அணிக்காக தொடர்ந்து உள்நாட்டு கிரிக்கெட்டில் விளையாடி வரும் இஷான், டர்னர்களில் விளையாடிய அனுபவம் கொண்டவராகவும் இருக்கிறார்.
மேலும், இந்தியாவின் டாப் ஆடர் பேட்ஸ்மேன்கள் தங்களது சொந்த மண்ணிலே ரன்களை குவிக்க திணறி வருகின்றனர். மேலும், சுழலுக்கு எதிராகவும் போராடியுள்ளனர். கேப்டன் ரோஹித் சர்மா மற்றும் அக்சர் படேல் ஆகிய இருவர் மட்டுமே 30+ சராசரியை கடந்த 2 இந்திய வீரர்களாக இருக்கின்றனர். ரவீந்திர ஜடேஜா மற்றும் அக்சர் படேல் அரைசதம் விளாசினாலும், அவர்கள் நிலையான ஆட்டத்தை வெளிப்படுத்தவில்லை. அக்சர் படேல் அதிக விக்கெட்டுகளை கைப்பற்றவில்லை என்றாலும், லோயர் ஆடரை தாங்கிப் பிடிப்பாராக இருக்கிறார்.
அதேசமயம் அகமதாபாத்தில் நடைபெறும் கடைசி டெஸ்ட் போட்டியிலும் ஸ்டீவ் ஸ்மித் மீண்டும் டெஸ்ட் அணிக்கு கேப்டனாக இருப்பார் என ஆஸ்திரேலியா நிர்வாகம் உறுதி செய்துள்ளது. கடந்த மாதம் டெல்லியில் நடந்த இரண்டாவது டெஸ்டுக்குப் பிறகு சொந்த நாடு திரும்பிய பேட் கம்மின்ஸ்,குடும்பத்தினருக்கு ஆதரவாக அங்கே தங்கி இருக்கிறார்.
ஆஸ்திரேலியாவின் முழுநேர கேப்டனாக தனது காலம் முடிந்துவிட்டதாக எண்ணிய ஸ்மித், இந்தூரில் நடந்த மூன்றாவது டெஸ்டில் தனித்துவத்துடன் செயல்பட்டு அணியை இந்திய மண்ணில் வெற்றி நோக்கி அழைத்துச் சென்றார். அந்த அணி தரப்பில் சுழலில் மிரட்டி வரும் சுழற்பந்து வீச்சாளர்கள் நாதன் லியான், டாட் மர்ஃபி மற்றும் மேத்யூ குனேமேன் ஆகியோர் தலா ஒரு 5 விக்கெட்டுகளை வீழ்த்தி அசத்தியுள்ளனர். எனவே, அகமதாபாத் ஆடுகளத்திலும் அதே உத்வேகத்துடன் வீசுவார்கள் என எதிர்பார்க்கப்பட்கிறது.
பேட்டர்களை பொறுத்தவரையில் டிராவிஸ் ஹெட், உஸ்மான் கவாஜா ஆகியோர் மட்டுமே அடுத்தடுத்த போட்டிகளில் சிறப்பான ஆட்டத்தை வெளிப்படுத்தி அணியின் நம்பிக்கையாக உள்ளனர். ஆனால் மறுபுறம் மார்னஸ் லபுசாக்னே, ஸ்டீவ் ஸ்மித், அலெக்ஸ் கேரி, பீட்டர் ஹாண்ட்ஸ்கோம்ப் ஆகியோர் தங்களது சிறப்பான ஆட்டத்தை வெளிப்படுத்த வேண்டிய கட்டாயத்தில் தள்ளப்பட்டுள்ளனர்.
நேருக்கு நேர்
- மோதிய போட்டிகள் - 105
- இந்தியா - 32
- ஆஸ்திரேலியா - 44
- டிரா - 28
- முடிவில்லை - 01
உத்தேச லெவன்
இந்தியா - ரோஹித் சர்மா (கே), ஷுப்மான் கில், சட்டேஷ்வர் புஜாரா, விராட் கோலி, ஷ்ரேயாஸ் ஐயர், ரவீந்திர ஜடேஜா, ஸ்ரீகர் பாரத்/ இஷான் கிஷன், அக்ஸர் படேல், ரவிச்சந்திரன் அஷ்வின், உமேஷ் யாதவ், முகமது ஷமி/முகமது சிராஜ்
ஆஸ்திரேலியா - உஸ்மான் கவாஜா, டிராவிஸ் ஹெட், மார்னஸ் லாபுஷாக்னே, ஸ்டீவன் ஸ்மித் (கே), பீட்டர் ஹேண்ட்ஸ்கோம்ப், கேமரூன் கிரீன், அலெக்ஸ் கேரி, மிட்செல் ஸ்டார்க், நாதன் லையன், டோட் மர்பி, மேத்யூ குன்னமேன்.
ஃபேண்டஸி லெவன்
- விக்கெட் கீப்பர்கள் - பீட்டர் ஹேண்ட்ஸ்கோம்ப்
- பேட்டர்ஸ் – மார்னஸ் லாபுசாக்னே, ரோஹித் சர்மா, உஸ்மான் கவாஜா, ஸ்ரேயாஸ் ஐயர்
- ஆல்-ரவுண்டர்கள் - ரவீந்திர ஜடேஜா, ரவிச்சந்திரன் அஸ்வின், அக்சர் படேல், டிராவிஸ் ஹெட்
- பந்துவீச்சாளர்கள் - நாதன் லையன், மேத்யூ குன்னமேன்
கேப்டன்/துணைக்கேப்டன் தேர்வு - ரவீந்திர ஜடேஜா, நாதன் லையன், ரவிச்சந்திரன் அஸ்வின், ரோஹித் சர்மா