நியூசிலாந்து தொடருக்கான இந்திய அணி அறிவிப்பு; தவான், ஹர்திக் கேப்டன்!

டி20 உலககோப்பை தொடர் முடிந்த உடன், இந்திய அணி வரும் நவம்பர் 18ஆம் தேதி முதல் நியூசிலாந்துக்கு சுற்றுப் பயணம் மேற்கொண்டு 3 டி20 மற்றும் 3 ஒருநாள் போட்டி கொண்ட தொடரில் விளையாடுகிறது.

இதற்காக இந்திய அணி தற்போது அறிவிக்கப்பட்டுள்ளது. நட்சத்திர வீரர்கள் விராட் கோலி, கேப்டன் ரோஹித் சர்மா, கேஎல் ராகுல் ஆகியோருக்கு ஓய்வு வழங்கப்பட்டுள்ளது. காயம் காரணமாக ஜடேஜா, பும்ரா ஆகியோர் களமிறங்கவில்லை. இதே போன்று ருத்துராஜ் கெய்க்வாட்க்கும் இந்த தொடரில் வாய்ப்பு வழங்கப்படவில்லை.

இதில் 3 போட்டிகள் கொண்ட டி20 தொடரில் ஹர்திக் பாண்டியா கேப்டனாகவும், ரிஷப் பந்த் துணை கேப்டனாகவும் நியமிக்கப்பட்டுள்ளனர். தொடக்க வீரராக இஷான் கிஷன் மற்றும் சுப்மான் கில்லுக்கு வாய்ப்பு வழங்கப்பட்டுள்ளது. இதே போன்று ஸ்ரேயாஸ் ஐயர், சூர்யகுமார், சஞ்சு சாம்சன் ஆகியோரும் நியூசிலாந்து டி20 அணியில் இடம் பிடித்துள்ளனர். வேகப்பந்துவீச்சாளர் உம்ரான் மாலிக்கும் அணிக்கு திரும்பியுள்ளார்.

இதே போன்று வரும் 25ஆம் தேதி தொடங்க உள்ள நியூசிலாந்துக்கு எதிரான 3 ஒருநாள் போட்டி கொண்ட தொடரில் ணிகர் தவான் கேப்டனாக நியமிக்கப்பட்டுள்ளார். துணை கேப்டனாக ரிஷப் பந்த் அறிவிக்கப்பட்டுள்ளார். வேகப்பந்துவீச்சாளராக குல்தீப் சென், தீபக் சாஹர் , உம்ரான் மாலிக் ஆகியோரும் இடம்பெற்றுள்ளனர்.

இந்திய டி20 அணி: ஹர்திக் பாண்டியா (கேப்டன்), ரிஷப் பந்த் (துணை கேப்டன்), சுப்மான் கில், இஷான் கிஷன், தீபக் ஹூடா, சூர்யகுமார் யாதவ், ஸ்ரேயாஸ் ஐயர், சஞ்சு சாம்சன், வாஷிங்டன் சுந்தர், சாஹல், குல்தீப் யாதவ், ஆர்ஸ்தீப் சிங், ஹர்சல் பட்டேல்,முகமது சிராஜ், புவனேஸ்வர் குமார், உம்ரான் மாலிக்.

இந்திய ஒருநாள் அணி: ஷிகர் தவான் (கேப்டன்), ரிஷப் பந்த் ( துணை கேப்டன்), சுப்மான் கில், தீபக் ஹூடா, சூர்யகுமார், ஸ்ரேயாஸ் ஐயர், சஞ்சு சாம்சன், வாஷிங்டன் சுந்தர், ஷர்துல் தாக்கூர், ஷபாஸ் அகமது, சாஹல், குல்தீப் யாதவ்,ஆர்ஸ்தீப்,தீபக் சாஹர், குல்தீப் சென், உம்ரான் மாலிக்.