கரோனா அச்சுறுத்தல் காரணமாக பாதியில் நிறுத்தப்பட்ட ஐபிஎல் தொடர், மீண்டும் இன்று (செப்.19) முதல் ஐக்கிய அரபு அமீரகத்தில் தொடங்குகிறது.
இதில், முதல் போட்டியில் தோனி தலைமையிலான சென்னை சூப்பர் கிங்ஸ் அணியும், ரோஹித் ஷர்மா தலைமையிலான மும்பை இந்தியன்ஸ் அணியும் மோதுகின்றன.
இத்தொடரில் இன்னும் 31 போட்டிகள் மீதமுள்ள நிலையில், 27 நாட்களில் அனைத்து போட்டிகளும் நடத்தி முடிக்கப்பட உள்ளன. இத்தொடரின் இறுதிப்போட்டி அக்டோபர் 15ஆம் தேதி நடைபெறவுள்ளது. மீதமுள்ள போட்டிகள் அனைத்து அமீரகத்தில் உள்ள அபுதாபி, துபாய் மற்றும் சார்ஜா ஆகிய 3 நகரங்களில் நடைபெறவுள்ளது.
இந்த நிலையில், வெவ்வேறு காரணங்களுக்காக ஒவ்வொரு அணிகளில் இருந்தும் சில வீரர்கள் இத்தொடரில் இருந்து விலகியுள்ளார். அதில், யார் யார் எந்தெந்த அணியில் இருந்து விலகியுள்ளனர்? அவர்களுக்கு பதில் புதிதாக எந்தெந்த வீரர்கள் அணியில் இணைந்துள்ளனர்? என்பது குறித்து பார்க்கலாம்.
ஐபிஎல் 2021 தொடரிலிருந்து வெளியேறிய வீரர்களும் , அவர்களுக்கான மாற்று வீரர்களும்
- எம் சித்தார்த் (டெல்லி) - குல்வந்த் கெஜ்ரோலியா)
- க்றிஸ் வோக்ஸ் (டெல்லி) - பென் ட்வார்ஷுய்ஸ்
- மோஷின் கான் (மும்பை) - ரூஷ் கலாரியா
- ரிலே மெரிடித் (பஞ்சாப்) - நாதன் எலிஸ்
- ஜை ரிச்சர்ட்சன் (பஞ்சாப்) - அடில ரஷீத்
- டேவிட் மலன் (பஞ்சாப்) - எய்டன் மார்க்ரம்
- ஆண்ட்ரூ டை (ராஜஸ்தான்) - தப்ரைஸ் ஷம்ஸி
- ஜோஃப்ரா ஆர்ச்சர் (ராஜஸ்தான்) - க்ளென் ஃபிலிப்ஸ்
- பென் ஸ்டோக்ஸ் (ராஜஸ்தான்) - ஒஷானே தாமஸ்
- ஜோஸ் பட்லர் (ராஜஸ்தான்) - எவின் லெவிஸ்
- ஆடம் ஜம்பா (ஆர்சிபி) - வனிந்து ஹஸரங்கா
- டேனியல் சாம்ஸ் (ஆர்சிபி) - துஷ்மந்தா சமீரா
- கேன் ரிச்சர்ட்சன் (ஆர்சிபி) - ஜார்ஜ் கேர்டன்
- ஃபின் ஆலன் (ஆர்சிபி) - டிம் டேவிட்
- வாஷிங்டன் சுந்தர் (ஆர்சிபி) - ஆகாஷ் தீப்
- ஜானி பேர்ஸ்டோ (எஸ்ஆர்ஹெச்) - ஷெர்ஃபேன் ரூதர்ஃபோர்டு