ஐபிஎல் 2021: டாஸ் வென்ற சிஎஸ்கே அணி பேட்டிங்!

ரசிர்களின் எதிர்பார்ப்புகளுக்கு மத்தியில் ஐபிஎல் தொடரின் 14ஆவது சீசன் விறுவிறுப்பாக நடைபெற்று வருகிறது. 

இதில் இன்று நடைபெறும் 19ஆவது லீக் ஆட்டத்தில் தோனி தலைமையிலான சென்னை சூப்பர் கிங்ஸ் அணி, கோலி தலைமையிலான ராயல் சேலஞ்சர்ஸ் பெங்களூரு அணியுடன் பலப்பரீட்சை நடத்துகிறது. 

மும்பை வான்கேடே மைதானத்தில் நடைபெறும் இப்போட்டியில் முதலில் டாஸ் வென்ற சென்னை சூப்பர் கிங்ஸ் அணி முதலில் பேட்டிங் செய்ய முடிவுசெய்துள்ளது.

இன்றைய போட்டிக்கான இரு அணிகளிலும் சில மாற்றங்கள் செய்துள்ளனர். அதன்படி சிஎஸ்கே அணியில் மொயீன் அலி, லுங்கி இங்கிடி ஆகியோருக்கு பதிலாக டுவைன் பிராவோ, இம்ரான் தாஹீர் ஆகியோர் சேர்க்கப்பட்டுள்ளனர். 

அதேசமயம் ஆர்சிபி அணியில் சபாஷ் அஹ்மத், ரிட்சர்ட்சன் ஆகியோருக்கு பதிலாக நவ்தீப் சைனி, டேனியல் கிறிஸ்டியன் ஆகியோர் சேர்க்கப்பட்டுள்ளனர்.

சிஎஸ்கே: ருதுராஜ் கெய்க்வாட், அம்பத்தி ராயூடு, சுரேஷ் ரெய்னா, டூ பிளெசிஸ், எம்.எஸ்.தோனி, சாம் கரன், டுவைன் பிராவோ, ரவீந்திர ஜடேஜா, ஷர்துல் தாக்கூர், தீபக் சஹார், இம்ரான் தாஹீர்.

ஆர்சிபி: விராட் கோலி, தேவ்தத் படிகல், கிளென் மேக்ஸ்வெல், டி வில்லியர்ஸ், வாஷிங்டன் சுந்தர்,டேனியல் கிறிஸ்டியன், கெய்ல் ஜெமிசன்,ஹர்சல் பட்டேல், முகமது சிராஜ், யுஸ்வேந்திர சஹால், நவ்தீப் சைனி.