ஐபிஎல் 2021: உனாட்கட், முஸ்தபிசூர் வேகத்தில் சரிந்த டெல்லி கேப்பிட்டல்ஸ்!

ஐபிஎல் தொடரின் 7ஆவது லீக் ஆட்டத்தில் சஞ்சு சாம்சன் தலைமையிலான ராஜஸ்தான் ராயல்ஸ் அணியும், ரிஷப் பந்த் தலைமையிலான டெல்லி கேப்பிட்டல்ஸ் அணியும் மோதின. இப்போட்டியில் டாஸ் வென்ற ராஜஸ்தான் அணி முதலில் டெல்லி அணியை பேட்டிங் செய்ய அழைத்தது. 

அதன்படி டெல்லி அணியின் தொடக்க வீரர்களாக பிரித்வி ஷா, ஷிகர் தவான் இணை களமிறங்கியது. இதில் பிரித்வி ஷா 2 ரன்களில் ஆட்டமிழக்க, அவரைத் தொடர்ந்து ஷிகர் தவான் 9 ரன்களிலும், அஜிங்கியா ரஹானே 8 ரன்களிலும் அடுத்தடுத்து பெவிலியன் திரும்பினர். 

பின்னர் களமிறங்கிய அணியின் கேப்டன் ரிஷப் பந்த் சற்று நிதானமாக விளையாடி அரைசதம் கடந்து அணிக்கு உதவினர். பின் பந்த்தும் 51 ரன்களில் ஆட்டமிழக்க, அவரைத் தொடர்ந்து வந்த வீரர்கள் எதிரணியின் பந்துவீச்சை சமாளிக்க முடியாமல் அடுத்தடுத்து விக்கெட்டுகளை இழந்தனர். 

இதனால் 20 ஓவர்கள் முடிவில் டெல்லி கேப்பிட்டல்ஸ் அணி 8 விக்கெட்டுகளை இழந்து 147 ரன்களை மட்டுமே எடுத்தது. ராஜஸ்தான் அணி தரப்பில் ஜெய்தேவ் உனாட்கட் 3 விக்கெட்டுகளையும், முஸ்தபிசூர் 2 விக்கெட்டுகளையும் கைப்பற்றினர். 

இதையடுத்து 148 ரன்கள் எடுத்தால் வெற்றி என்ற எளிய இலக்குடன் ராஜஸ்தான் ராயல்ஸ் அணி பேட்டிங் செய்துவருகிறது.