இன்று முதல் தொடங்கும் ஐபிஎல் திருவிழா; சிஎஸ்கே - மும்பை இந்தியன்ஸ் மோதல்!

ஐபிஎல் டி 20 கிரிக்கெட் தொடரின் 14ஆவது சீசன் கடந்த ஏப்ரல் மாதம் இந்தியாவில் தொடங்கியது. இத்தொடரில் 29 ஆட்டங்கள் முடிவடைந்த நிலையில் மே மாத தொடக்கத்தில் சில வீரர்களுக்கு கரோனா தொற்று ஏற்பட்டதை அடுட்க்டு போட்டிகள் நிறுத்தப்பட்டன. இந்நிலையில் பாதியில் நிறுத்தப்பட்ட இந்த தொடர், ஐக்கிய அரபு அமீரகத்தில் இன்று தொடங்குகிறது. 

இன்று நடைபெறும் முதல் லீக் (30ஆவது)ஆட்டத்தில் நடப்புசாம்பியனான மும்பை இந்தியன்ஸ், தோனி தலைமையிலான சென்னை சூப்பர் கிங்ஸ் அணியுடன் இரவு 7.30 மணிக்கு மோதுகிறது.

நடப்பு சீசனில் மகேந்திர சிங் தோனி தலைமையிலான சென்னை சூப்பர் கிங்ஸ் அணி இதுவரை 7 போட்டிகளில் விளையாடி, 5 வெற்றி, 2 தோல்வி என மொத்தம் 10 புள்ளிகளுடன் புள்ளிப்பட்டியலில் 2ஆவது இடத்தில் உள்ளது. 

அதேசமயம் நடப்பு சாம்பியனான மும்பை இந்திய அணி 7 போட்டிகளில், 4 வெற்றி, 3 தோல்வியென மொத்தம் 8 புள்ளிகளுடன் பட்டியலில் 4ஆம் இடத்தைப் பிடித்துள்ளது.

Also Read: இந்திய அணியின் இங்கிலாந்து சுற்றுப்பயணம், 2021

அதிலும் நடப்பு சீசனின் இவ்விரு அணிகளும் மோதிய முதல் போட்டியில் மும்பை அணி 4 விக்கெட் வித்தியாசத்தில் சிஎஸ்கேவை வீழ்த்தி வெற்றிபெற்றுள்ளது. இதனால் முந்தைய தோல்விக்கு பழித்தீர்கும் முனைப்போடும் சிஎஸ்கே அணி இப்போட்டியில் விளையாடும் என ரசிகர்கள் ஆவலுடன் எதிர்நோக்கியுள்ளனர்.