காயம் காரணமாக சில போட்டிகளை தவறவிடும் மிட்செல் மார்ஷ்; உறுதிசெய்த சௌரவ் கங்குலி!

இந்தியாவில் தொடங்கி விறுவிறுப்பாக நடைபெற்று வரும் ஐபிஎல் தொடரின் 17ஆவது சீசன் நாளுக்கு நாள் ரசிகர்களின் எதிர்பார்ப்புகளை அதிகரித்து வருகிறது. இதில் நாளை மறுநாள் நடைபெறும் 20ஆவது லீக் ஆட்டத்தில் ஹர்திக் பாண்டியா தலைமையிலான மும்பை இந்தியன்ஸ் அணியை எதிர்த்து ரிஷப் பந்த் தலைமையிலான டெல்லி கேப்பிட்டல்ஸ் அணி விளையாடவுள்ளது.

இதில் ரிஷப் பந்த் தலைமையிலான டெல்லி கேப்பிட்டல்ஸ் அணி நடப்பு சீசனில் விளையாடிய நான்கு போட்டிகளில் ஒன்றில் மட்டுமே வெற்றிபெற்று புள்ளிப்பட்டியலின் ஒன்பதாம் இடத்திற்கு தள்ளப்பட்டுள்ளது. இதனால் அந்த அணி அடுத்தடுத்த போட்டிகளில் வெற்றிபெற்று புள்ளிப்பட்டியலில் முன்னேற்றம் அடையும் வகையில் தீவிரமாக தயாராகி வருகிறது. அதன்படி நாளைய போட்டியையும் டெல்லி கேப்பிட்டல்ஸ் அணி வெற்றிபெறும் நோக்கில் விளையாடவுள்ளது. 

இந்நிலையில் டெல்லி கேப்பிட்டல்ஸ் அணிக்கு அதிர்ச்சியளிக்கும் வகையில் அந்த அணியின் அதிரடி ஆல் ரவுண்டர் மிட்செல் மார்ஷ் காயம் காரணமாக ஒருசில போட்டிகளை தவறவிடுவார் என்ற தகவல் வெளியாகியுள்ளது. இதனை டெல்லி கேப்பிட்டல்ஸ் அணியின் ஆலோசகர் சௌரவ் கங்குலியும் உறுதிசெய்துள்ளார். இதனை இன்று நடைபெற்ற செய்தியாளர் சந்திப்பில் சௌரவ் கங்குலி தெரிவித்தார்.

அதேசமயம் காயம் காரணமாக கடந்த சில போட்டிகளை தவறவிட்ட குல்தீப் யாதவ் குறித்து பேசிய அவர், தசைபிடிப்பால் கடந்த சில போட்டிகளை தவறவிட்ட குல்தீப் யாதவ்விற்கு உதற்தகுதி சோதனை நடபெறவுள்ளது. அச்சோதனையின் முடிவைப் பொறுத்து அவர் நாளைய போட்டியில் விளையாடுவாரா என்பது குறித்து முடிவுசெய்யவுள்ளோம் என்று தெரிவித்துள்ளார். 

ஏற்கெனவே டெல்லி கேப்பிட்டல்ஸ் அணி பேட்டிங்கில் பெரிதளவில் சோபிக்க தவறிவரும் நிலையில் தற்போது மிட்செல் மார்ஷும் காயம் காரணமாக ஒரு சில போட்டிகளை தவறவிடுவார் என்பது அந்த அணிக்கு பின்னடைவை ஏற்படுத்தியுள்ளது. இருப்பினும் அணியின் ஜேக் ஃபிரெசர் மெக்கூர்க் என்ற ஆல் ரவுண்டர்கள் இருப்பதால் நாளைய போட்டியில் அவர் விளையாடுவார் என்ற எதிர்பார்ப்பு அதிகரித்துள்ளது. 

டெல்லி கேப்பிட்டல்ஸ்: ரிஷப் பந்த்(கேப்டன்), டேவிட் வார்னர், பிருத்வி ஷா, ஜேக் ஃபிரேசர்-மெக்குர்க், யாஷ் துல், ஸ்வஸ்திக் சிகாரா, டிரிஸ்டன் ஸ்டப்ஸ், அபிஷேக் போரல், குமார் குஷாக்ரா, ரிக்கி புய், ஷாய் ஹோப், பிரவின் துபே, அக்ஸர் படேல், மிட்செல் மார்ஷ், லலித் யாதவ், விக்கி ஓஸ்ட்வால், சுமித் குமார், அன்ரிச் நோர்ட்ஜே, முகேஷ் குமார், கலீல் அகமது, குல்தீப் யாதவ், இஷாந்த் சர்மா, ஜேய் ரிச்சர்ட்சன், ரசிக் சலேம் தார்