சச்சின் டெண்டுல்கரின் சாதனையை முறியடித்த சூர்யகுமார் யாதவ்!
ஐபிஎல் தொடரில் இன்று நடைபெற்ற லீக் போட்டியில் பஞ்சாப் கிங்ஸ் மற்றும் மும்பை இந்தியன்ஸ் அணிகள் பலப்பரீட்சை நடத்தின. ஜெய்ப்பூரில் உள்ள சவாய் மான்சிங் கிரிக்கெட் மைதானத்தில் நடைபெற்ற இப்போட்டியில் டாஸ் வென்ற பஞ்சாப் கிங்ஸ் அணி முதலில் பந்துவீசுவதாக அறிவித்தது.
இதையடுத்து களமிறங்கிய மும்பை இந்தியன்ஸ் அணியில் அதிகபட்சமாக சூர்யகுமார் யாதவ் 57 ரன்களையும், ரியான் ரிக்கெல்டன் 27 ரன்களையும் கேப்டன் ஹர்திக் பாண்டியா 26 ரன்களையும் சேர்த்ததை தவிர்த்து மற்ற வீரர்கள் பெரிதளவில் ரன்களைச் சேர்க்க தவறினர். இதன் காரணமாக மும்பை இந்தியன்ஸ் அணி 20 ஓவர்கள் முடிவில் 7 விக்கெட்டுகளை இழந்து 184 ரன்களைச் சேர்த்தது. பஞ்சாப் தரப்பில் அர்ஷ்தீப், விஜயகுமார், ஜான்சென் தலா 2 விக்கெட்டுகளை வீழ்த்தினர்.
இதனையடுத்து பஞ்சாப் கிங்ஸ் அணி தற்போது இலக்கை நோக்கி விளையாடி வருகிறது. இந்நிலையில் இப்போட்டியில் சிறப்பான ஆட்டத்தை வெளிப்படுத்திய சூர்யகுமார் யாதவ் முன்னாள் ஜாம்பவான் சச்சின் டெண்டுல்கரின் சாதனையை முறியடித்துள்ளார். அதன்படி இப்போட்டியில் சூர்யகுமார் யாதவ் அரைசதம் கடந்து அசத்தியதன் மூலம் ஐபிஎல் தொடரில் மும்பை இந்தியன்ஸ் அணிக்காக ஒரு சீசனில் அதிக ரன்களைக் குவித்த வீரர் எனும் சாதனையைப் படைத்துள்ளார்.
முன்னதாக கடந்த 2010ஆம் ஆண்டு மும்பை இந்தியன்ஸ் அணிக்காக விளையாடிய சச்சின் டெண்டுல்கர் 618 ரன்களை எடுத்திருந்ததே இதுநாள் வரை மும்பை இந்தியன்ஸ் அணிக்காக ஒரு சீசனில் ஒரு வீரர் எடுத்த அதிகபட்ச ரன்களாக இருந்தது. இந்நிலையில் சூர்யகுமார் யதாவ் நடப்பு ஐபிஎல் தொடரில் இதுவரை 14 போட்டிகளில் விளையாடி 640 ரன்களைச் சேர்த்து சச்சின் டெண்டுல்கரின் சாதனையை முறியடித்து புதிய் சாதனையைப் படைத்துள்ளார்.
பஞ்சாப் கிங்ஸ்: பிரியான்ஷ் ஆர்யா, ஜோஷ் இங்கிலிஸ் (வி.கே), ஷ்ரேயாஸ் ஐயர் (கேட்ச்), நேஹால் வதேரா, ஷஷாங்க் சிங், மார்கஸ் ஸ்டோனிஸ், மார்கோ ஜான்சன், ஹர்பிரீத் பிரார், கைல் ஜேமிசன், விஜய்குமார் வைஷாக், அர்ஷ்தீப் சிங்
இம்பேக்ட் வீரர்கள்: பிரப்சிமரன் சிங், சூர்யன்ஷ் ஷெட்ஜ், முஷீர் கான், சேவியர் பார்ட்லெட், பிரவீன் துபே
மும்பை இந்தியன்ஸ்: ரியான் ரிக்கல்டன் (வாரம்), ரோஹித் சர்மா, வில் ஜாக்ஸ், சூர்யகுமார் யாதவ், திலக் வர்மா, ஹர்திக் பாண்டியா (கேட்ச்), நமன் திர், மிட்செல் சான்ட்னர், தீபக் சாஹர், டிரென்ட் போல்ட், ஜஸ்பிரிட் பும்ரா
Also Read: LIVE Cricket Score
இம்பேக்ட் வீரர்கள்: அஸ்வனி குமார், கார்பின் போஷ், கர்ண் சர்மா, ராஜ் பாவா, சத்தியநாராயண ராஜு,