இந்திய அணியை மீட்டெடுக்க களமிறங்கிய ஜார்வோ; மீண்டுமொரு அட்ராசிட்டி!

இந்தியா - இங்கிலாந்து அணிகளுக்கு இடையேயான மூன்றாவது டெஸ்ட் போட்டி லீட்ஸில் நடைபெற்று வருகிறது. இதன் மூன்றாம் நாள் ஆட்டத்தில் இரண்டாவது இன்னிங்ஸை விளையாடிவரும் இந்திய அணி, தோல்வியைத் தவிர்கும் முனைப்போடு விளையாடி வருகிறது. 

இந்நிலையில் களத்திற்கு வெளியே உள்ள ரசிகர்கள் தங்களது கைகளில் இருக்கும் பொருள்களை மைதானத்தில் உள்ள வீரர்கள் மீது தூக்கியெறிந்தும், நிறவெறியை தூண்டும் சில சொற்கள பயன்படுத்திவது தற்போது வாடிக்கையாகியுள்ளது. 

ஆனால் அப்படி இங்கிலாந்து ரசிகர்கள் சிலர் கீழ்தரமாக செயல்பட்டு வருவது இந்திய ரசிகர்கள் மத்தியில் வெறுப்பை ஏற்படுத்தியிருந்தாலும், ஒரே ஒரு ரசிகர் ஒட்டுமொத்த இந்திய ரசிகர்களின் மனதையும் வென்றுள்ளார்.

ஜார்வோ என்னும் ரசிகர், லார்ட்ஸ் டெஸ்ட் போட்டியின் போது இந்திய அணியின் ஜெர்சியை அணிந்து கொண்டு கையில் பந்துடன் களத்திற்குள் புகுந்தார். நானும் இந்திய வீரர் தான் நான் இந்திய அணிக்காக விக்கெட் எடுத்து கொடுக்கிறேன் என கூறிய ஜார்வோவை, மைதான ஊழியர்கள் குண்டுக்கட்டாக வெளியேற்றினர்.

ஜார்வோ மைதானத்திற்குள் புகுந்து சிரிப்பை ஏற்படுத்திய காணொளி சமூக வலைதளங்களில் காட்டுத்தீயாக பரவியதால், ஜார்வோவும் ஒரே நாளில் உலகளவில் பிரபலமடைந்தார்.

இந்தநிலையில், லீட்ஸில் தற்போது நடைபெற்று வரும் மூன்றாவது டெஸ்ட் போட்டியிலும் களத்திற்குள் புகுந்த ஜார்வோ அட்ராசிட்டி செய்துள்ளார்.

இரண்டாவது இன்னிங்ஸில் ரோஹித் சர்மா விக்கெட்டை இழந்து வெளியேறிய போது, எதிர்திசையில் இருந்து இந்திய அணியின் ஜெர்சியை அணிந்து கொண்டு கையில் பேட், தலையில் ஹெல்மெட்டுடன் களத்திற்குள் புகுந்த ஜார்வோ, நேராக ஸ்ட்ரைக் எண்டிற்கே வந்து பந்துகளை எதிர்கொள்ள தயாரானார். 

ஜார்வோவின் இந்த செயலை சற்று தாமதமாக கவனித்த மைதான ஊழியர்கள் உடனடியாக வந்து ஜார்வோவை கூண்டு கட்டாக தூக்கி சென்றனர். ஜார்வோ மைதானத்திற்குள் புகுந்த இந்த காணொளி தற்போது சமூக வலைதளங்களில் வைரலாக பரவி வருகிறது. 

Also Read: சிட்னி சிக்சர்ஸில் மீண்டும் ஓராண்டு ஒப்பந்தமான பிராத்வைட்!

இந்திய அணி தோல்வியின் விளிம்பில் இருப்பதை கூட மறந்துவிட்டு இந்திய ரசிகர்களே ஜார்வோவின் இந்த காணொளியை பார்த்து மகிழ்ந்து வருவது குறிப்பிடத்தக்கது.