இங்கிலாந்துக்கு தொடருக்கான இந்திய மகளிர் அணி அறிவிப்பு; கம்பேக் கொடுக்கும் கோஸ்வாமி!

இந்திய மகளிர் கிரிக்கெட் அணி இங்கிலாந்துக்கு சுற்றுப்பயணம் மேற்கொள்ளவுள்ளது. இங்கிலாந்தில் இந்தியா மூன்று டி20 மற்றும் மூன்று ஒருநாள் போட்டிகளில் விளையாடுகிறது. இந்த தொடர் செப்டம்பர் 10 ஆம் தேதி முதல் தொடங்குகிறது.

இரு அணிகளுக்கு இடையேயான முதல் டி20 போட்டி டர்ஹாமில் செப்டம்பர் 10 ஆம் தேதியும், இரண்டாவது டி20 செப்டம்பர் 13 ஆம் தேதியும், செப்டம்பர் 15ஆம் தேதி பிரிஸ்டல் கவுண்டி மைதானத்தில் 3வது போட்டியும் நடைபெறுகிறது.

இதை தொடர்ந்து செப்டம்பர் 18இல் தொடங்கும் ஒருநாள் போட்டி செப்டம்பர் 24இல் முடிவடைகிறது. இந்த நிலையில் இந்த தொடருக்கான இந்திய மகளிர் அணி இன்று அறிவிக்கப்பட்டுள்ளது. இத்தொடர்களுக்கான இந்திய அணியின் கேப்டனாக ஹர்மன்ப்ரீத் கவுரும், துணை கேப்டனாக ஸ்மிருதி மந்தனாவும் நியமிக்கப்பட்டுள்ளனர். 

மேலும் ஒருநாள் போட்டிக்கான இந்திய மகளிர் அணியில் அனுபவ வீராங்கனை ஜூலன் கோஸ்வாமிக்கு வாய்ப்பு வழங்கப்பட்டுள்ளது. தற்போது 39 வயதாகும் ஜூலன் கோஸ்வாமி நீண்ட நாள்களுக்குப் பிறகு இந்திய அணியில் தனது இடத்தைப் பிடித்துள்ளார்.

இந்திய மகளிர் டி20 அணி: ஹர்மன்பிரீத் கவுர் (கேப்டன்), ஸ்மிருதி மந்தனா (துணை கேப்டன்), ஷபாலி வர்மா, தீப்தி ஷர்மா, பூஜா வஸ்த்ரகர், ஜெமிமா ரோட்ரிக்ஸ், ஸ்நே ராணா, ரேணுகா தாக்கூர், மேக்னா சிங், ராதா யாதவ், சபினேனி மேகனா, தன்யா பாட்டியா, ராஜேஸ்வரி கெய்க்வாட், தயாளன் ஹேமலதா, சிம்ரன் தில் பகதூர், ரிச்சா கோஷ் , கிரண் நவ்கிரே

இந்திய மகளிர் ஒருநாள் அணி: ஹர்மன்பிரீத் கவுர் (கேப்டன்), ஸ்மிருதி மந்தனா (துணை கேப்டன்), ஷபாலி வர்மா, சபினேனி மேகனா, தீப்தி சர்மா, தன்யா பாட்டியா , யாஸ்திகா பாட்டியா , பூஜா வஸ்த்ரகர், ஸ்நே ராணா, ரேணுகா தாகூர் சிங், ராஜேஸ்வரி கெய்க்வாட், ஹர்லீன் தியோல், தயாளன் ஹேமலதா, சிம்ரன் தில் பகதூர், ஜூலன் கோஸ்வாமி, ஜெமிமா ரோட்ரிக்ஸ்.