வெஸ்ட் இண்டீஸ் டி20 தொடருக்கான வங்கதேச அணி அறிவிப்பு; கேப்டனாக லிட்டன் தாஸ் அறிவிப்பு!

வங்கதேச அணி தற்சமயம் வெஸ்ட் இண்டீஸில் சுற்றுப்பயணம் செய்து 2 போட்டிகள் கொண்ட டெஸ்ட் தொடரிலும், 3 போட்டிகள் கொண்ட ஒருநாள் மற்றும் டி20 தொடரில் விளையாடி வருகிறது. இதில் நடந்து முடிந்த டெஸ்ட் தொடரை இரு அணிகளும் 1-1 என்ற கணகில் சமனில் முடித்த நிலையில், இரு அணிகளுக்கும் இடையேயான மூன்று போட்டிகள் கொண்ட ஒருநாள் தொடரானது நடைபெற்று வருகிறது.

இதில் நடந்து முடிந்துள்ள இரண்டு ஒருநாள் போட்டிகளின் முடிவில் வெஸ்ட் இண்டீஸ் அணி இரண்டிலும் வெற்றியைப் பதிவுசெய்ததுடன் 2-0 என்ற கணக்கில் வங்கதேசத்தை வீழ்த்தில் ஒருநாள் தொடரையும் கைப்பற்றியுள்ளது. இதனையடுத்து வெஸ்ட் இண்டீஸ் - வங்கதேச அணிகளுக்கு இடையேயான மூன்றாவது மற்றும் கடைசி ஒருநாள் போட்டியனது நாளை (டிசம்பர் 12) செயின்ட் கிட்ஸி உள்ள வார்னர் பார்க் கிரிக்கெட் மைதானத்தில் நடைபெறவுள்ளது. 

அதைத்தொடர்ந்து வெஸ்ட் இண்டீஸ் - வங்கதேச அணிகள் மோதும் மூன்று போட்டிகளை உள்ளடக்கிய டி20 தொடரானது டிசம்பர் 15ஆம் தேதி செயின்ட் வின்செண்டில் நடைபெறவுள்ளது. இந்நிலையில் இத்தொடருக்கான வங்கதேச அணியை அந்நாட்டு கிரிக்கெட் வாரியம் நேற்று அறிவித்துள்ளது. இதில் டெஸ்ட் தொடரின் போது காயமடைந்த் அணியின் கேப்டன் நஜ்முல் ஹொசைன் சாண்டோ காயம் குணமடையாத காரணத்தால் இத்தொடரில் இருந்தும் விலகியுள்ளார். 

இதன் காரணமாக வங்கதேச டி20 அணியின் கேப்டனாக நட்சத்திர வீரர் லிட்டன் தாஸ் நியமிக்கப்பட்டுள்ளார். மேலும் இத்தொடருக்கான வங்கதேச அணியில் அறிமுக வீரர் ரிப்பன் மொண்டலிற்கு வாய்ப்பு வழங்கப்பட்டுள்ளது. இதுதவிர்த்து அஃபிஃப் ஹுசைன், சௌமியா சர்க்கார், நசும் அகமது மற்றும் ஷமிம் ஹுசைன் உள்ளிட்டோரும் வங்கதேச டி20 அணிக்கு திரும்பியுள்ளனர்.

Also Read: Funding To Save Test Cricket

வங்கதேச டி20 அணி: லிட்டன் தாஸ் (கேப்டன்), சௌமியா சர்க்கார், தன்ஸித் ஹசன் தமீம், பர்வேஸ் ஹுசைன் எமன், அஃபிஃப் ஹுசைன், மெஹதி ஹசன் மிராஸ், ஜக்கர் அலி, ஷமிம் ஹுசைன், மஹேதி ஹசன், ரிஷாத் ஹுசைன், நசும் அஹ்மத், தஸ்கின் அஹ்மத், தன்சீம் ஹசன் ஷாகிப், ஹசன் மஹ்மூத், ரிப்பன் மொண்டோல்.