ஐசிசி மகளிர் டி20 உலகக்கோப்பை தொடரின் அடுத்த பதிப்பானது எதிர்வரும் 2016ஆம் ஆண்டு ஜூலை மாதம் இங்கிலாந்தில் நடைபெறவுள்ளது. இந்நிலையில் இத்தொடரில் நடைபெறும் போட்டிகளுக்கான மைதானங்களை சர்வதேச கிரிக்கெட் கவுன்சில் இன்று அறிவித்துள்ளது.
அதன்படி மொத்தம் 12 அணிகள் பங்கேற்கும் இத்தொடரானது அடுத்த ஆண்டு ஜூன் மாதம் 12ஆம் தேதி தொடங்கும் நிலையில், இத்தொடரின் இறுதிப்போட்டியானது ஜூலை 5ஆம் தேதி நடைபெறும் என்றும் அறிவிக்கப்பட்டுள்ளது. மேற்கொண்டு இத்தொடரின் இறுதிப்போட்டியானது லண்டனில் உள்ள புகழ்பெற்ற லார்ட்ஸ் கிரிக்கெட் மைதானத்தில் நடைபெறும் என்பதையும் சர்வதேச கிரிக்கெட் கவுன்சில் அறிவித்துள்ளது.
இதுதவிர்த்து ட்ராஃபோர்ட், ஹெட்டிங்லே, எட்ஜ்பாஸ்டன், தி ஓவல், ஹாம்ப்ஷையர் பவுல் மற்றும் பிரிஸ்டல் கவுன்டி உள்பட மொத்தம் 7 மைதானங்களில் இத்தொடரின் அனைத்து போட்டிகளும் நடைபெறும் என்பதையும் சர்வதேச கிரிக்கெட் கவுன்சில் உறுதிபடுத்தியுள்ளது. மேற்கொண்டு இத்தொடரானது இரண்டு குழுக்களாக பிரிக்கப்பட்ட நாக் அவுட் முறையில் போட்டிகள் நடத்தப்படவுள்ளது. அதன்படி குரூப் ஏ மற்றும் பி என இரு பிரிவுகளிலும் தலா 6 அணிகள் இடம்பிடிக்கவுள்ளன.
அதேசமயம் இத்தொடருக்கான போட்டி அட்டவணையும் கூடிய விரைவில் அறிவிக்கப்படும் என்றும் கூறப்படுகிறது. இந்த டி20 உலகக்கோப்பை தொடரில் நடப்பு சாம்பியன் நியூசிலாந்து, தென் ஆப்பிரிக்கா, இந்தியா, ஆஸ்திரேலியா, இங்கிலாந்து , வெஸ்ட் இண்டீஸ், இலங்கை மற்றும் பாகிஸ்தான் உள்ளிட்ட அணிகள் நேரடியாக தகுதிபெற்றுள்ள நிலையில், மீதமுள்ள அணிகள் தகுதிச்சுற்றின் அடிப்படையில் தேர்வுசெய்யப்படும் என்றும் அறிவிக்கப்பட்டுள்ளது.
இதுகுறித்து பேசிய ஐசிசி தலைவர் ஜெய் ஷா, “2026 ஆம் ஆண்டு ஐசிசி மகளிர் டி20 உலகக் கோப்பையை நோக்கி நாம் முன்னேறிச் செல்லும்போது, மைதானங்களின் உறுதிப்படுத்தல் ஒரு தீர்க்கமான தருணத்தைக் குறிக்கிறது. இந்த தொடரானது உலகின் சிறந்த வீராங்கனைகளை திறமை, மனப்பான்மை மற்றும் விளையாட்டுத் திறனைக் கொண்டாட ஒன்றிணைக்கும் என்று நம்புகிறேன். யுனைடெட் கிங்டம் வளமான பன்முகத்தன்மை எப்போதும் அனைத்து அணிகளுக்கும் மிகுந்த ஆதரவைக் காட்டியுள்ளது.
Also Read: LIVE Cricket Score
கடந்த கால நிகழ்வுகளில் இதை நாம் மிகவும் மறக்கமுடியாத வகையில் கண்டோம். கடந்த 2017 ஆம் ஆண்டு லார்ட்ஸில் நடந்த மகளிர் ஒருநாள் உலகக் கோப்பை இறுதிப் போட்டி, மகளிர் கிரிக்கெட்டின் எழுச்சியில் ஒரு மைல்கல்லாக உள்ளது, அதனால் இந்த டி20 உலகக்கோப்பை தொடருக்கான இறுதிப் போட்டிக்கு இதைவிட பொருத்தமான மைதனான் வேறு இருக்கும் என்று நான் நினைக்கவில்லை” என்று தெரிவித்துள்ளார்.