ரசிகர்களின் பெரும் எதிர்பார்ப்புகளுக்கு மத்தியில் நடைபெற்று வரும் 18ஆவது சீசன் ஐபிஎல் தொடரில் இன்று நடைபெறும் 30ஆவது லீக் போட்டியில் ரிஷப் பந்த் தலைமையிலான லக்னோ சூப்பர் ஜெயண்ட்ஸ் மற்றும் மகேந்திர சிங் தோனி தலைமையிலான சென்னை சூப்பர் கிங்ஸ் அணிகள் பலப்பரீட்சை நடத்தவுள்ளன.
இவ்விரு அணிகளுக்கும் இடையேயான இப்போட்டியானது லக்னோவில் உள்ள ஏக்னா கிரிக்கெட் மைதானத்தில் நடைபெறவுள்ளது. இதில் லக்னோ அணி அடுத்தடுத்து வெற்றிகளைப் பெற்று வரும் நிலையில், சென்னை சூப்பர் கிங்ஸ் அணி தொடர் தோல்விகளை சந்தித்துள்ளது. இதனால் இப்போட்டியில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளன. இந்நிலையில் இரு அணிகளில் பலம், அணிகளின் உத்தேச லெவன், நேருக்கு நேர் தரவுகள் மற்றும் ஃபேண்டஸி லெவன் குறித்து இந்த பதிவில் பார்ப்போம்.
லக்னோ சூப்பர் ஜெயண்ட்ஸ்
ரிஷப் பந்த் தலைமையிலான லக்னோ சூப்பர் ஜெயண்ட்ஸ் அணியானது நடப்பு ஐபிஎல் தொடரில் விளையாடிய 6 போட்டிகளில் 3 வெற்றி, 3 தோல்வியைச் சந்தித்த கையோடு, இப்போட்டியை எதிர்கொள்கிறது. இதனால் இந்த ஆட்டத்திலும் அந்த அணி வெற்றிபெறும் முனைப்பில் களமிறங்கவுள்ளது. அணியின் பேட்டிங்கைப் பொறுத்தமட்டில் மிட்செல் மார்ஷ், நிக்கோலஸ் பூரன், டேவிட் மில்லர் ஆகியோர் அபாரமான ஆட்டத்தை வெளிப்படுத்தி சிறப்பான ஃபர்மில் உள்ளனர்.
அவர்களுடன் ரிஷப் பந்த், ஐடன் மார்க்ரம், ஆயூஷ் பதோனி ஆகியோரும் சோபிக்கும் பட்சத்தில் அது அணிக்கு கைகொடுக்கும். அதேசமயம், பந்துவீச்சை பொறுத்தவரையில் மிகப்பெரும் பலவீனமாக உள்ளது. ஷர்துல் தாகூர், அவேஷ் கான், ரவி பிஷ்னாய் உள்ளிட்டோர் மட்டுமே அந்த அணியில் பந்துவீச்சை துறையை வழிநடத்துவதால் இப்போட்டியை அந்த அணி எவ்வாறு எதிர்கொள்ளும் என்ற எதிர்பார்ப்புகள் அதிகரித்துள்ளன.
லக்னோ சூப்பர் ஜெயண்ட்ஸ் உத்தேச லெவன்: மிட்செல் மார்ஷ், ஐடன் மார்க்ரம், நிக்கோலஸ் பூரன், ரிஷப் பந்த் (கேப்டன் மற்றும் விக்கெட் கீப்பர்), ஆயுஷ் படோனி, டேவிட் மில்லர், அப்துல் சமத், ஷர்துல் தாக்கூர், ஆகாஷ் தீப், அவேஷ் கான், திக்வேஷ் சிங்.
சென்னை சூப்பர் கிங்ஸ்
மகேந்திர சிங் தோனி தலைமையிலான சென்னை சூப்பர் கிங்ஸ் அணி இந்த சீசனில் இதுவரை 6 போட்டிகளில் விளையாடி ஒரு வெற்றி, 5 தோல்விகளைச் சந்தித்து மோசமான நிலையில் உள்ளது. ஐபிஎல் தொடர்களிலேயே தொடர்ச்சியாக சிஎஸ்கே அணி 5 தோல்விகளைச் சந்தித்ததே இல்லை. அதிலும் குறிப்பாக கேகேஆர் அணிக்கு எதிராக சிஎஸ்கே அணி விளையாடிய கடைசி லீக் போட்டியில் பேட்டிங்கில் படுமோசமாக சொதப்பி தோல்வியை சந்தித்துள்ளது.
இதனால் இன்றைய ஆட்டத்தில் சிஎஸ்கே அணி பேட்டர்கள் சிறப்பாக விளையாட வேண்டிய கட்டாயத்திற்கு தள்ளப்பட்டுள்ளனர். அந்தவகையில் டெவான் கான்வே, ரச்சின் ரவீந்திரா ஆகியோரை அந்த அணி அதிகம் சார்ந்துள்ளது. அதேசமயம் பந்துவீச்சில் நூர் அஹ்மத், மதீஷா பதிரானா, கலீல் அஹ்மத் ரவீந்திர ஜடேஜா, ரவிச்சந்திரன் அஸ்வின் ஆகியோரும் சோபிக்கும் பட்சத்தில் சென்னை சூப்பர் கிங்ஸ் அணி அடுத்தடுத்து வெற்றிகளைக் குவிக்கும் என்பதில் சந்தேகமில்லை.
சென்னை சூப்பர் கிங்ஸ் உத்தேச லெவன்: ரச்சின் ரவீந்திரா, டெவான் கான்வே, ராகுல் திரிபாதி/ஆண்ட்ரே சித்தார்த், ஷிவம் துபே, மகேந்திர சிங் தோனி (கேப்டன்), ரவீந்திர ஜடேஜா, விஜய் சங்கர், ரவிச்சந்திரன் அஷ்வின், நூர் அகமது, முகேஷ் சவுத்ரி, கலீல் அகமது.
நேருக்கு நேர்
- மோதிய போட்டிகள் - 05
- லக்னோ சூப்பர் ஜெயண்ட்ஸ் – 03
- சென்னை சூப்பர் கிங்ஸ் - 01
- முடிவில்லை - 01
Also Read: Funding To Save Test Cricket
ஃபேண்டஸி லெவன் டிப்ஸ்
- விக்கெட் கீப்பர் – நிக்கோலஸ் பூரன் (கேப்டன்), டெவன் கான்வே
- பேட்ஸ்மேன்கள் - மிட்செல் மார்ஷ், விஜய் சங்கர், ஷிவம் துபே, ரச்சின் ரவீந்திரா, ஆயுஷ் படோனி
- ஆல்-ரவுண்டர் - ஐடன் மார்க்ரம் (துணை கேப்டன்)
- பந்துவீச்சாளர்கள் - ஷர்துல் தாக்கூர், ரவி பிஷ்னோய், நூர் அகமது.